newsonline: 2016

Friday, August 26, 2016

វ៉ាន់ នីឡា នៅតែមានអារម្មណ៍មួហ្មង ព្រោះរឿងក្តីធ្លាយរូបអាក្រាតមិនទាន់បញ្ចប់

រាជធានីភ្នំពេញ ៖ រហូតមកដល់ពេលនេះកញ្ញាវ៉ាន់ នីឡា នៅតែមានអារម្មណ៍មួហ្មង និងអៀនខ្មាសនៅឡើយ បន្ទាប់ពីរឿងក្តីនាងប្តឹងជនអនាមិកដែលបញ្ចេញរូបអាក្រាតរបស់នាងតាមហ្វេសប៊ុកនៅមិនទាន់បានបញ្ចប់នៅឡើយ។

វ៉ាន់ នីឡា តែងតែព្យាយាមប្រកាន់ភាពរឹងមាំឆ្លើយតបតាមការចង់បានពីប្រិយមិត្តអ្នកគាំទ្រ ហើយជាបន្តបន្ទាប់នាងបានបង្ហាញខ្លួនជាមួយអ្នកសិល្បៈដូចគ្នាក្នុងសកម្មភាពជួយដល់ការងារសង្គមផងដែរ ខណៈពេលដែលនាងទើបតែវិលត្រឡប់មកពីការសម្តែងនៅឯក្រៅប្រទេស ក្រោយជួបរឿងអាស្រូវនោះ ។

ការចេញមុខចេញមាត់ជាបន្តបន្ទាប់របស់វ៉ាន់ នីឡា ទំនងជានាងចង់ជម្នះភាពសោកសៅ និងខ្មាសអៀនរបស់ខ្លួន ប៉ុន្តែផ្ទុយទៅវិញក្នុងចិត្តរបស់នាងនៅមិនទាន់បានជ្រះស្រឡះជុំវិញបញ្ហាដ៏អាក្រក់មួយនោះនៅឡើយទេ ។

អារម្មណ៍ដ៏សោកសៅដែលបានក្លាយជាស្រមោលខ្មៅតាមបន្លាចរហូតមកដល់ពេលនេះត្រូវបានវ៉ាន់ នីឡា បង្ហាញតាមហ្វេសប៊ុកប្រាប់ដល់ទស្សនិកជនឲ្យបានដឹង ក្នុងពេលដែលរឿងក្តីរបស់នាងកំពុងតែដំណើរការ និងមិនទាន់បានបញ្ចប់ ។

វ៉ាន់ នីឡា សរសេរថា «ខ្ញុំសង្ឃឹមថាបញ្ហារបស់ខ្ញុំនឹងត្រូវបញ្ចប់ក្នុងពេលឆាប់ឆាប់! អ្នកទាំងអស់គ្នាដឹងអត់ថា ខ្ញុំមិនដែលដកដង្ហើមបានស្រួលទេរាល់ថ្ងៃហ្នឹង! ពិបាកណាស់ ធុញថប់ណាស់ !ខ្ញុំក៏ចង់ដូចមនុស្សដទៃដែលបើកភ្នែកមកមានតែអារម្មណ៍ស្រស់ស្រាយ ហើយអាចទៅបំពេញការងារបានដូចធម្មតាដោយស្នាមញញឹមដោយមិនមានភាពខ្មាសអៀន ។ បងប្អូនជាច្រើនតែងតែនិយាយប្រាប់ខ្ញុំ ឱ្យធ្វើដូចធម្មតា គ្មានអ្នកណាទៅខ្វល់រឿងហ្នឹងទៀតទេ ។ ខ្ញុំក៏ព្យាយាមធ្វើធម្មតា ប៉ុន្តែអារម្មណ៍ខ្ញុំមិនមែនធម្មតាឡើយ ! តើមានអ្នកណាដែលយល់ពីអារម្មណ៍មនុស្សរស់បៀមទុក្ខ ដូចពាក្យចាស់ពោលថា រស់ពិបាកជាងស្លាប់ តែខ្ញុំសុខចិត្តរស់ ខ្ញុំមិនស្លាប់ទេ មួយថ្ងៃៗខ្ញុំទន្ទឹងថ្ងៃនោះមកដល់... ចង់ដូចខ្ញុំកាលពីមុន ប៉ុន្តែមិនចង់ល្ងង់ដូចមុន » ។

សាររបស់វ៉ាន់ នីឡា ធ្វើឡើង បន្ទាប់ពីនាងទើបតែបានចូលបំភ្លឺនៅតុលាការជាមួយមេធាវីកាលពីពេល ថ្មីៗកន្លងមក បន្ទាប់ពីនាងត្រឡប់មកពីសម្តែងនៅក្រៅប្រទេសវិញ ។
បន្ទាប់ពីចេញពីតុលាការវ៉ាន់ នីឡា មិនបានបញ្ជាក់អ្វីច្រើនទេ ក្រៅអំពីបញ្ជាក់ដោយខ្លីថា នាងបានដាក់ពាក្យប្តឹងចំឈ្មោះអ្នកបញ្ចេញរូបអាក្រាតរបស់នាង និងទាមទារសំណងផងដែរ ៕

ប្រភព:https://kohsantepheapdaily.com.kh

រឿងពិតមួយដែលមិនធ្លាប់ដឹង ពីតុក្តតា «ឈីងចាំង»

ទាំងអស់គ្នា ពិតជាបានស្គាល់ និងបានទស្សនានូវរឿងតុក្តតាភាគមួយ ដែលមានចំណងជើងថា «ឈីងចាំង» ដែលរឿងតុក្តតាភាគនោះ មិនថាកូនក្មេង មនុស្សចាស់ ប្រុស-ស្រី ឱ្យតែបានមើល គឺដឹងតែពីសើចជាមួយតួអង្គក្មេងប្រុស ឈីង ចាំង ដែលជាក្មេងកំពូលមហារពិស និងចេះហួសមាឌនោះ ដែលធ្វើឱ្យតួអង្គជាម្តាយ គឺ«មីសាអិ» តាមមិនទាន់នូវល្បិចដ៏ឆ្លាតរបស់ឈីងចាំង នោះទេ។

សម្រាប់ប្រវត្តិតុក្តតា «ឈីងចាំង» នេះ ត្រូវបានផេក Chhing Chang Khmer ផ្ទាល់ បានផុសនាថ្ងៃទី២១ មិថុនា ២០១៦ រៀបរាប់ពីការពិតដ៏កម្សត់ ដែលអ្នកមិនធ្លាប់ដឹងពីតុក្កតារឿង «ឈីងចាំង» នេះ ។

តោះចង់ដឹងយ៉ាងណានោះ សូមមើលខ្លឹមសារទាំងស្រុងទាំងអស់គ្នា ៖

«ការពិតដ៏កម្សត់ដែលអ្នកមិនធ្លាប់ដឹងពីតុក្កតារឿងឈីងចាំង (តុក្កតាឈីងចាំង) គឺពិតជាល្បីល្បាញ ដោយសារជំនាញកំប្លែងរបស់គាត់ ។ រឿងភាគតុក្កតានេះ មានប្រភពពីប្រទេសជប៉ុន ដែលអាចធ្វើឱ្យលោកអ្នកមានអារម្មណ៍រីករាយស្រស់ស្រាយនូវគ្រប់វគ្គគ្រប់ឈុត ដែលបង្ហាញលើ internet ឬកញ្ចក់ទូរទស្សន៍ ។ នៅប្រទេសម៉ាឡេស៊ីវិញ ឈីងចាំង តែងបញ្ចាំងនៅម៉ោង៧យប់ប៉ុស្ដិ៍ NTV7 រៀងរាល់ថ្ងៃសៅរិ៍ ។

រូបត្លុកសៀវភៅ ឬវីដេអូតុក្តតានេះ បង្កើតដោយលោក Yoshito Usui ដែលត្រូវគេស្គាល់ថា ជារឿងកំប្លែងសម្រាប់មើលបានគ្រប់វ័យគ្រប់ភេទ ។ ក្មេងៗ និងមនុស្សពេញវ័យ នៅតែមានអារម្មណ៍រីករាយដោយចរិតកាយវិការរបស់ឈីងចាំង និងតួអង្គដទៃទៀតក្នុងរឿងនេះ ។

ពេលនេះ, យើងនឹងប្រាប់អ្នកអំពីរឿងពិតទាក់ទងនឹងក្មេងប្រុសអាយុ៥ឆ្នាំម្នាក់នេះ ។ ឈីងចាំងត្រូវគេដាក់រហស្សនាមថា ជាក្មេងរពិសមែនទេ? តើអ្នកដឹងរឿងពិតដ៏កម្សត់ នៅពីក្រោយតុក្កតាភាគឈីងចាំងនេះទេ?

វាគឺអំពីម្ដាយម្នាក់ដែលបាត់បង់កូនប្រុសពីរនាក់នៅក្នុងគ្រោះថ្នាក់មួយ ។ នាងគឺអ្នកស្រី មីសាអិ ណូហារ៉ា ។ មីសាអិមានកូនពីរនាក់, កូនប្រុសឈ្មោះឈីង ចាំង កូនស្រីឈ្មោះហី ម៉ាវ៉ារិ។

ថ្ងៃមួយ, ឈីងចាំងឃើញប្អូនស្រីរបស់វានៅលើផ្លូវ ស្រាប់តែមានរថយន្តមួយជិះតម្រង់មករកប្អូនស្រីរបស់វា ។ ដោយឃើញប្អូនស្រីរបស់វាមានគ្រោះថ្នាក់, ឈីងចាំង ព្យាយាមជួយសង្គ្រោះប្អូនស្រី ។ តែមិនដូចជាការរំពឹងទុកឡើយ ឈីងចាំង និងប្អូនស្រីត្រូវស្លាប់ដោយឡានកិន ។

មីសាអិ ពិតជាតក់ស្លុតខ្លាំងណាស់ ដោយការបាត់បង់កូនទាំងពីរ ។ បន្ទាប់ពីនោះ, មីសាអិ ចាប់ផ្ដើមគូរគំនូរជាខ្សែរឿងអំពីកូនប្រុសស្រី ហើយសរសេរខ្សែរឿងពិតរបស់ឈីងចាំងរៀងរាល់ថ្ងៃ ។

ជីវិតពិតរបស់អ្នកស្រីមីសាអិ បានតាក់តែងក្នុងរឿងឈីងចាំងទាំងអស់ ។ ឈីងចាំង និងហ៊ីម៉ាវ៉ារិ បង្ហាញខ្លួនជាតួអង្គតុក្កតារស់រវើក ដែលមានប្រភពសាច់រឿងពីអ្នកស្រីមីសាអិ ដែលបាត់បង់កូនទាំងពីរ ។ ជាមួយនឹងតុក្កតានេះ, មីសាអិស្រម៉ៃថា បានកូនប្រុសស្រី រស់នៅក្នុងតុក្កតាឡើងវិញ, ទោះជាការពិត ពួកគេបានស្លាប់ទៅហើយ ឃ្លាតចោលនាងហើយ គ្មានថ្ងៃវិលត្រឡប់។

ឈីងចាំង
អ្នកផលិតគំនូរជីវចល, លោក Yoshito Usui បានបង្កើតសាច់រឿងពិតនេះ ឱ្យដូចទៅនឹងការពិតរបស់ឈីងចាំង ។ ក្រោយមក ក៏ល្បីល្បាញយ៉ាងខ្លាំង ហើយទទួលការគាំទ្រ ។

តែជាអកុសល្យ, លោក Yoshito Usui បានស្លាប់ដោយធ្លាក់ពីជ្រោះខ្ពស់ ពេលគាត់ទៅដើរកម្សាន្តព្រៃភ្នំ។

គួររំលឹកផងដែរថា តុក្កតារឿងឈីងចាំង មានជិត១ពាន់វគ្គ រៀបរាប់តាំងពីដើមរហូតពរពោះប្អូនស្រីឈីងចាំង រហូតដល់ឈីងចាំង និងប្អូនស្រីស្លាប់ ។ តែការយកមកបកប្រែជាភាសាខ្មែរឃើញតែប៉ុន្មានវគ្គប៉ុណ្ណោះ មិនគ្រប់វគ្គទាំងអស់ឡើយ។ នៅវគ្គចុងបញ្ចប់, គឺជាវគ្គដែលឈីងចាំង និងប្អូនស្រីត្រូវឡានបើកបុកកិនបែកក្បាល តែក្រោយមក ក៏ត្រូវសម្រេចលុបចោលវិញ ព្រោះផលិតករ និងក្រុមការងារគិតថា វាជាវគ្គដែលធ្វើឱ្យអ្នកមើលមានអារម្មណ៍សោកសៅ និងតក់ស្លុតរន្ធត់ មិនគួរចេញផ្សាយឡើយ ។ ទោះជាឈីងចាំងពិតស្លាប់ទៅហើយ, តែតួអង្គតុក្កតា នៅតែធ្វើឱ្យគ្រប់គ្នាចងចាំពីកុមារាម្នាក់នេះជានិច្ច ។

សូមព្រលឹងវិញ្ញាណក្ខន្ធកុមារា ឈីណូ ស៊ីកិ ណូហារ៉ា (ឈីងចាំង) និងប្អូនស្រីបានទៅកាន់សុគតិភព ៕

ប្រភព:https://kohsantepheapdaily.com.kh

ប្រពៃណីអាពាហ៍ពិពាហ៍ជនជាតិព្នងរក្សាដល់បច្ចុប្បន្ន

ខេត្តមណ្ឌលគិរី ៖ ការរៀបចំពិធីអាពាហ៍ពិពាហ៍របស់ជនជាតិដើមភាគតិចព្នង នៅតែរក្សាបាន ហើយបង្ហាញជូនអ្នកទេសចរជាតិ និងអន្តរជាតិនាពេលបច្ចុប្បន្ន ។ វាជាការឆ្លុះបញ្ចាំងពីទំនៀមទម្លាប់ប្រពៃណីបែបអភិរក្ស ដែលថែរក្សា និងការពារទុកឲ្យកូនចៅជំនាន់ក្រោយបានដឹង ស្គាល់ និងបានឃើញរហូតដល់សព្វថ្ងៃនេះ ។

ទោះបីនៅតែរក្សាកេរដំណែលវប្បធម៌ដ៏យូរលង់មួយនោះក្តីក៏នៅមានការព្រួយបារម្ភផងដែរអំពីការបាត់បង់ ខ្លះៗវប្បធម៌ និងទំនៀមទម្លាប់ប្រពៃណីរបស់ជនជាតិព្នង ។

លោកភី ងូក អតីតចៅសង្កាត់រមនា ជាជនជាតិដើមភាគតិចព្នង កាលពីពេលថ្មីៗកន្លងមកឲ្យដឹងថា នៅពេលអនាគតខាងមុខ ទំនៀមទម្លាប់ប្រពៃណីជនជាតិនៅតំបន់នេះ ប្រហែលជាប្រឈមទៅរកការបាត់បង់ ខ្លះៗ ពីព្រោះបច្ចុប្បន្ននេះលោកសង្កេតឃើញទាំងការរស់នៅ ស្លៀកពាក់ ផ្ទះសំបែងពួកគេមានការកែប្រែច្រើនខុសពីបុរាណ ។

មានការផ្លាស់ប្តូររស់នៅបែបសម័យ រីឯប្រពៃណីពួកគេហាក់បីដូចជាខ្វះការអភិរក្សនិងជួយថែរក្សាការពារ។ បើទោះបីជាយ៉ាងណាក្ដី ជនជាតិដើមភាគតិចព្នងភាគច្រើន នៅតែបន្តការថែរក្សាបានយ៉ាងល្អប្រពៃណីដ៏ផូរផង់មួយនេះ ។

លោកទី ឈឿន ជនជាតិដើមភាគតិចព្នង រស់នៅភូមិចម្ការតែ សង្កាត់សុខដុម ក្រុងសែនមនោរម្យ បានរៀបចំពិធីអាពាហ៍ពិពាហ៍ កូនប្រុសរបស់គាត់តាមប្រពៃណីព្នងនាពេលកន្លងមកឲ្យដឹងថា ការរៀបចំពិធីអាពាហ៍ពិពាហ៍របស់ជនជាតិព្នងមានពិធីសែនព្រេនច្រើនដូចជា ឪពុកម្ដាយ ព្រមទាំងមេបាខាងប្រុសត្រូវហែកូនកំលោះពីផ្ទះរបស់ខ្លួនទៅផ្ទះកូនក្រមុំដោយមានតំណាងមេកន្ទ្រាញម្នាក់កាន់ដាវ កាំបិតដើរខាងមុខអម ដោយមានការវាយឃ្មោះ ទះដៃបន្ទរ។ លុះដល់មាត់របងផ្ទះកូនក្រមុំត្រូវឈប់ដើម្បីសែនព្រេនម្ដង ដោយការចេញមកទទួលរបស់ឪពុកម្ដាយខាងស្រី រួចហែបន្តចូលក្នុងដីរបងផ្ទះកូនស្រីជិតដល់មាត់ទ្វារផ្ទះ ត្រូវរៀបចំសែនព្រេនម្ដងទៀត ដោយមានកូនក្រមុំចេញមកទទួលផង ទើបគេចាប់ផ្ដើមហែសាមីខ្លួនទាំងពីរចូលក្នុងផ្ទះដើម្បីធ្វើពិធីសែនព្រេនធំនៅក្នុងពិធីរៀបការនេះ។ ក្នុងពិធីសែនព្រេនធំនោះ ខាងកូនក្រមុំមានរៀបចំជ្រូកទាំងមូលមួយក្បាល ពាងស្រារលូងមួយ ពាងស្រាធម្មតា១ និងមាន់ពីរក្បាល ។

លោកទី ឈឿន បញ្ជាក់ថា ពិធីរៀបអាពាហ៍ពិពាហ៍តាមទំនៀមទម្លាប់ប្រពៃណីរបស់ជនជាតិដើមភាគតិចព្នងមានរយ:ពេល៣ថ្ងៃ ។ ជនជាតិដើមភាគតិចត្រូវអភិរក្ស និងថែរក្សាការពារប្រពៃណីទំនៀមទម្លាប់ វប្បធម៌របស់ខ្លួនឲ្យនៅគង់វង្ស។ នេះជាបំណងរបស់លោកទី ឈឿន៕

ប្រភព:https://kohsantepheapdaily.com.kh

Thursday, August 18, 2016

វីធីថែរក្សាស្បែកមុខ និងរាងកាយដោយផ្លែល្ពៅ

ផ្លែល្ពៅមានផ្ទុកទៅដោយជាតិ Vitamin A, C, E, Potassium, Beta carotene& សារធាតុប្រឆាំងអុកស៊ីតកម្ម មានគុណប្រយោជន៍បំផុត ក្នុងការថែរក្សាស្បែក ឲ្យសម៉ត់រលោង ។

ផ្លែល្ពៅសម្បូរដោយ vitamin C ជួយប្រឆាំងនឹងរ៉ាឌីកាល់សេរី ដែលកើតមានក្នុងរាងកាយ បង្កាភាពចាស់ជរា ដូចជាស្នាមជ្រួញ ស្នាមខ្មូត ការពារកម្ដៅថ្ងៃ បង្ការការខ្វះជាតិទឹកដែលបណ្តាលឲ្យស្បែកស្ងួត។ ស្បែករបស់យើង មានច្រើនប្រភេទខុសៗគ្នា ដូច្នេះអ្នកគួរតែជ្រើសរើសម៉ាសបិទ ដែលសមស្របនិងល្អបំផុត សម្រាប់ការថែរក្សាចិញ្ចឹមស្បែក។ ខាងក្រោមនេះគឺជាវិធីសាស្ត្រ ថែរក្សាស្បែកមុខនិងដងខ្លួន ដោយប្រើម៉ាសធ្វើអំពីផ្លែល្ពៅ។ ម៉ាសផ្លែល្ពៅអាចជួយជួសជុល រាល់ការខូចខាតនៃស្បែកដូចជា កើតមុន អុជខ្មៅ ស្បែកមិនស្មើពណ៌។ ល។ មិនតែប៉ុណ្ណោះវាធ្វើឲ្យស្បែកសម៉ត់ និង ភ្លឺរលោងថែមទៀតផង។
1. ម៉ាសផ្លែល្ពៅសម្រាប់ថែរក្សាស្បែកមុខ
ម៉ាសផ្លែល្ពៅសម្រាប់ស្បែកធម្មតា
ម៉ាសនេះ ធ្វើឲ្យស្បែកម៉ត់រលោង បំបាត់ស្នាមមុនអាក្រក់ផ្សេងៗ ជាពិសេសគឺមុនដែលកប់ជ្រៅនៅក្នុងស្បែក ជួយធ្វើឲ្យស្បែក ដែលធ្លាប់តែខូចខាតខ្មៅស្រអាប់ប្រែទៅជាស្រស់ថ្លាឡើងវិញ។
ធាតុផ្សំ៖ ផ្លែល្ពៅ១ផ្លែយក ¼ ,ទឹកក្រូចឆ្មារ & យ៉ាអួ ១ស្លាបព្រាកាហ្វេ

របៀបធ្វើ៖ ផ្លែល្ពៅកិនឲ្យម៉ត់ បន្ទាប់មកលាយល្បាយទាំងអស់ ចូលគ្នាឲ្យសព្វ រួចលាបវានៅលើមុខ។ ទុកចោលរយៈពេល ២០នាទី ទើបលាងជម្រះចេញនឹងទឹកក្ដៅឧណ្ហៗ។ ធ្វើដូចនេះឲ្យបានទៀងទាត់ ដើម្បីទទួលបានស្បែកស្រស់ស្អាត។ ប្រសិនបើស្បែកមានប្រតិកម្មមិនល្អ កុំធ្វើច្រើនដងពេកខ្លាច ធ្វើឲ្យស្បែកកាន់តែស្ងួត។
ម៉ាសសម្រាប់ស្បែកស្ងួត
ធាតុផ្សំ៖ ផ្លែល្ពៅមួយចំណិត , ទឹកឃ្មុំ & ប្រេងអូលីវ ១ស្លាបព្រាកាហ្វេ , យ៉ាអួ ២ស្លាបព្រាកាហ្វេ

របៀបធ្វើ៖ ល្ពៅកិនឲ្យម៉ត់ ( ឆ្អិនឬឆៅក៏បាន) លាយជាមួយធាតុផ្សំទាំងអស់នោះ បន្ទាប់មកលាបល្បាយនេះ នៅលើមុខទុកចោល១០ នាទីចុងក្រោយ លាងជម្រះនឹងទឹកក្ដៅឧណ្ហៗជាការស្រេច។ អនុវត្តន៍វិធីនេះ 3ដង/ សប្ដាហ៍ នឹងជួយឲ្យអ្នកមានស្បែកម៉ត់រលោង។
ម៉ាសសម្រាប់ស្បែកមុខឡើងខ្លាញ់
ធាតុផ្សំ៖ ផ្លែល្ពៅកិនម៉ត់ ២ ស្លាបព្រា , ទឹកខ្មេះ&ផ្លែប៉ោមកិនឲ្យម៉ត់ ១/២ ស្លាបព្រាបាយ ទឹកឃ្មុំ ១/២ ស្លាបព្រាបាយ។

របៀបធ្វើ៖ លាយល្បាយទាំងនោះឲ្យសព្វ រួចលាបលើមុខ ទុកចោលចន្លោះពី 10-15 នាទី។ ម៉ាសនេះ សម្រាប់ថែរក្សាកោសិកាស្បែក ការពារសំណើម កាត់បន្ថយជាតិខ្លាញ់ ជួយធ្វើឲ្យស្បែកទន់ម៉ត់រលោង និងបង្ការភាពចាស់ជរាបានទៀតផង។

ម៉ាសសម្រាប់ស្បែកមានបញ្ហាគ្រប់យ៉ាង ៖

ធាតុផ្សំ៖ ផ្លែល្ពៅកិនម៉ត់ ¼ ចាន , ស៊ុត១ គ្រាប់(ផ្នែកលឿង) ,ទឹកឃ្មុំ & ទឹកក្រូចឆ្មារ ១ ស្លាបព្រាកាហ្វេ។

របៀបធ្វើ៖ លាយល្បាយទាំងនេះឲ្យសព្វ លាបលើមុខ និងក របស់អ្នកក៏បាន រួចទុកចោល ២០នាទី ទើបលាងជម្រះ នឹងទឹកក្ដៅឧណ្ហៗជាកាស្រេច។

2. ម៉ាសផ្លែល្ពៅសម្រាប់ថែរក្សាស្បែកដងខ្លួនឲ្យស

ម៉ាសប្រភេទនេះវាជួយថែរក្សាដល់ស្បែកកប់ជ្រៅពីខាងក្នុង ធ្វើឲ្យតុល្យភាពនៃស្បែកមានសំនើម ការពារមុន បង្រួមរន្ធញើស មានប្រសិទ្ធភាពខ្ពស់ និងបង្ការភាពចាស់ជរា។ ធាតុផ្សំ៖ ផ្លែល្ពៅ 200– 300g , ទឹកខ្មេះ&ផ្លែប៉ោម 3 – 4 ស្លាបព្រាបាយ។

របៀបធ្វើ៖ ផ្លែល្ពៅចិតសម្បកចេញយកតែគ្រាប់ លាងជម្រះនិងទឹកស្អាត យកទៅកិនឲ្យម៉ត់ រួចលាយជាមួយនឹងទឹកខ្មេះផ្លែប៉ោម ឲ្យទៅជាល្បាយ ម៉ត់ហើយស្មើ។ មុនដំបូងងូតទឹកជម្រះខ្លួនសិន បន្ទាប់មកលាបល្បាយនោះ លើខ្លួនហើយម៉ាស្សាថ្នមៗពី ១៥ ទៅ ២០ នាទី។ ចុងក្រោយងូតជម្រះនឹងទឹកស្អាត។

នេះគឺជាវិធីមួយដែលអាចកំចាត់កោសិកាខួចខាតផ្នែកខងក្រៅ ធ្វើឲ្យស្បែកស្រស់ស្អាត & ស្មើពណ៌។

ស្បែកសជាមួយនឹងផ្លែល្ពៅ ទឹកឃ្មុំ និងយ៉ាអួ

ធាតុផ្សំ៖ ផ្លែល្ពៅ 300g , ទឹកឃ្មុំ ១ ស្លាបព្រា ,ទឹកដោះគោជូរ ២ ស្លាបព្រា ។

របៀបធ្វើ៖ ល្ពៅចិតសម្បកឲ្យស្អាតយកតែសាច់ លាងទឹករួចយកទៅស្ងរ។ លាយជាមួយទឹកឃ្មុំ និងទឹកដោះគោជូរបង្កើតជាល្បាយខាប់។ ក្រោយពេលងូតទឹករួចលាបល្បាយនោះលើខ្លួន ម៉ាស្សាថ្នមៗប្រហែល ១៥ នាទីដើម្បីល្បាយនេះជ្រាបចូលទៅក្នុងស្បែក រួចងូតទឹកជម្រះចេញ និងលាបទឹកបន្តឹងស្បែក ធ្វើឲ្យស្បែកទន់ ម៉ត់រលោង ថែរក្សាស្បែកល្អបំផុត &ធ្វើឲ្យស្បែកសទៀតផង។ អ្នកគួរអនុវត្តន៍វិធីសាស្រ្តទាំងអស់នេះ ឲ្យបានទៀងទាត់ទើប ទទួលបានប្រសិទ្ធភាព ។

ប្រសិនបើលោកអ្នកមិនចង់ពិបាក និងពុំមានពេលគ្រប់គ្រាន់ ក្នុងការអនុវត្តន៍ឲ្យបានទៀងទាត់ លោកអ្នកអាចប្រើផលិតផល Gluta White Plus ព្រោះនៅក្នុង Gluta White Plusមានផ្ទុកទៅដោយសារ ជាតិវីតាមីនជាច្រើនយ៉ាង ពិសេសវីតាមីនC ជួយចិញ្ចឹមនិងថែរក្សាស្បែក ជួសជុលរាល់បញ្ហា ស្បែកខូចខាតរបស់អ្នកបានយ៉ាងឆាប់រហ័ស មិនតែប៉ុណ្ណោះ វាបង្ការការកើតមានអុកស៊ីតកម្ម ដែលនាំឲ្យស្បែកមើលទៅមានវ័យចំណាស់ និងបន្ថយរ៉ាឌីកាល់សេរីបានទៀតផង។Gluta White Plus ព្យាបាលស្នាមជ្រួញ ជាំ អាចម៍រុយ និងបញ្ហា ច្រើនយ៉ាងធ្វើឲ្យស្បែកភ្លឺរលោង។

ប្រសិនបើលោកអ្នកមិនចង់ពិបាក និងពុំមានពេលគ្រប់គ្រាន់ ក្នុងការអនុវត្តន៍ឲ្យបានទៀងទាត់ លោកអ្នកអាចប្រើផលិតផល Gluta White Plus ព្រោះនៅក្នុង Gluta White Plusមានផ្ទុកទៅដោយសារ ជាតិវីតាមីនជាច្រើនយ៉ាង ពិសេសវីតាមីនC ជួយចិញ្ចឹមនិងថែរក្សាស្បែក ជួសជុលរាល់បញ្ហា ស្បែកខូចខាតរបស់អ្នកបានយ៉ាងឆាប់រហ័ស មិនតែប៉ុណ្ណោះ វាបង្ការការកើតមានអុកស៊ីតកម្ម ដែលនាំឲ្យស្បែកមើលទៅមានវ័យចំណាស់ និងបន្ថយរ៉ាឌីកាល់សេរីបានទៀតផង។ Gluta White Plus ព្យាបាលស្នាមជ្រួញ ជាំ អាចម៍រុយ និងបញ្ហា ច្រើនយ៉ាងធ្វើឲ្យស្បែកភ្លឺរលោង។

Gluta White Plus មានវិញ្ញាប័ណ្ណប័ត្រត្រឹមត្រូវច្បាស់លាស់ ផលិតតាមស្តង់ដាបច្ចេកវិទ្យារបស់អាមេរិក ។

ប្រភព:https://www.khmerload.com/news/51719

Sunday, August 14, 2016

រូបមន្តធម្មជាតិ ទាំង ៣យ៉ាងនេះ អាចជួយឲ្យសុដន់ តឹងណែន មិនធ្លាក់យារ ជារៀងរហូត

ជាការពិតណាស់ មនុស្សស្រីគ្រប់រូបច្បាស់ជា ប្រាថ្នាចង់បានភាពទាក់ទាញមួយដែល សំខាន់បំផុតនោះ គឺសុដន់មូលក្លុំ មិនយារធ្លាក់ជាក់ជាមិនខាន។

នៅថ្ងៃនេះ យើងនឹងនាំអ្នកឲ្យយល់ដឹងពីតិចនិក និងគ្រឿងផ្សំសាមញ្ញ ដែលមានប្រសិទ្ធិភាពគួរឲ្យភ្ញាក់ផ្អើល ក្នុងការធ្វើឲ្យសុដន់តឹងណែនល្អតែម្តង។
1. ត្រសក់ និងស៊ុតលឿង
ស៊ុតលឿង ពិតជាសម្បូរទៅដោយជាតិប្រូតេអ៊ីនខ្ពស់ ដែលជាដំណោះស្រាយ បែបធម្មជាតិដ៏ល្អបំផុត ក្នុងការធ្វើ ឲ្យសុដន់តឹងណែនល្អ។ ចំណែកឯត្រសក់ ក៏សម្បូរទៅដោយជាតិទឹក និងសារធាតុចិញ្ចឹម ដែលអាចការពារមិនឲ្យ សុដន់យារធ្លាក់ និងមូលក្លុំ ស្អាតបែបធម្មជាតិផងដែរ។
វិធីប្រើ៖ អ្នកគ្រាន់តែ យកត្រសក់មួយផ្លែតូចល្មម ក្រឡុកឲ្យម៉ត់ល្អ ហើយដាក់ស៊ុតលឿងមួយគ្រាប់ និងប៊ឺរមួយ ស្លាបព្រា កូរចូលគ្នាឲ្យសប់ ដើម្បីធ្វើជាម៉ាស់។ នៅពេលធ្វើរួចរាល់ហើយ លាបវានៅលើសុដន់ និងទុកឲ្យបានកន្លះម៉ោង ទើបលាងសម្អាតជាមួយទឹកធម្មតាចេញ ជាការស្រេច។
ចំណាំ៖ ម៉ាស់នេះធ្វើតែម្តង ក្នុងមួយសប្តាហ៍បានហើយ។

2. ស៊ុតផ្នែកស
ស៊ុតផ្នែកស មានលក្ខណៈសម្បត្តិពិសេស ជួយការពារភាពរួញស្វិត និងផ្តល់សំណើមដល់ស្បែក។ ជាពិសេសស៊ុត ផ្នែកស មានផ្ទុកទៅដោយសារធាតុម្យ៉ាង ដែលអាចជួយការពារ មិនឲ្យសុដន់ធ្លាក់យារបានផងដែរ។
វិធីប្រើ៖ វៃបំបែកស៊ុតមួយគ្រាប់ រហូតដល់ឡើងជាពពុះ រួចលាបវានៅលើសុដន់ ហើយទុកវាចោលរយៈពេល ៣០នាទី។ លាងសម្អាតជាមួយទឹកខ្ទឹមបារាំង និងទឹកត្រសក់ ហើយចុងក្រោយសឹម លាងសម្អាតជាមួយនឹងទឹកធម្មតាចេញ ជាការស្រេច។
ចំណាំ៖ អនុវត្តវិធីនេះ មួយសប្តាហ៍ម្តងដែរ។

3. ប្រទាលកន្ទុយក្រពើ
ប្រទាលកន្ទុយក្រពើ ផ្ទុកទៅដោយសារធាតុប្រឆាំងអុកស៊ីតកម្ម ដែលអាចជួយការពារ សុដន់របស់អ្នក ពីការបំផ្លាញ ដោយរ៉ាឌីកាល់សេរី។
វិធីប្រើ៖ លាបសារធាតុជែលប្រទាលកន្ទុយក្រពើធម្មជាតិ នៅលើសុដន់របស់អ្នក ហើយម៉ាស្សាថ្នមៗ ជាចលនារង្វង់ ឲ្យបាន ១០នាទី។ ទុកវានៅលើសុដន់ ឲ្យបាន១០នាទីទៀត សឹមលាងចេញជាមួយទឹកក្តៅឧណ្ហ៍ៗជាការស្រេច។
ចំណាំ៖ ធ្វើបែបនេះឲ្យបាន ៤ ទៅ ៥ដង ក្នុងមួយសប្តាហ៍៕

ប្រភព:https://www.khmerload.com/news/44473

រូបមន្តធម្មជាតិល្អៗ ទាំងនេះ អាចជួយឲ្យ «ស្បែកសស្អាត» ដោយមិនចាំបាច់ប្រើឡេ!

ជាការពិត មនុស្សស្រីភាគច្រើន តែងប្រាថ្នាចង់បានស្បែកសស្អាត ដែលពេលខ្លះ ពួកគេបានចំណាយថវិកាជាច្រើន ទៅលើការទិញផលិតផល រឺក៏ឡេលាបផ្សេងៗជាដើម។ ប៉ុន្តែប្រិយមិត្តប្រហែលជា មិនដឹងនោះទេថា មានតិចនិកល្អៗមួយចំនួន អាចជួយឲ្យស្បែករបស់អ្នក សស្អាតតាមធម្មជាតិបាន៖

១) ទឹកដោះគោជូរ៖ ចំពោះទឹកដោះគោជូរ អាចជួយឲ្យស្បែករបស់អ្នក សស្អាតបាន ដែលវាមានសារធាតុចិញ្ចឹមខ្ពស់ ជួយពង្រឹងដល់សុខភាព និងសម្រស់។ មិនតែប៉ុណ្ណោះ វាមានជាតិអាស៊ីត Lactic ដែលល្អ ចំពោះប្រភេទស្បែក។ ចំពោះវិធីអនុវត្ត គឺត្រូវលាយទឹកឃ្មុំបន្តិច និងទឹកដោះគោជូរ រួចលាបលើស្បែក ទុករយៈពេល ១៥នាទី។ បន្ទាប់មក លាងចេញ ជាមួយទឹកស្អាតធម្មតាជាការស្រេច។ អ្នកគួរតែឧស្សាហ៍អនុវត្តវិធីនេះ ឲ្យបានជាប្រចាំ ដើម្បីទទួលបានប្រសិទ្ធភាពខ្ពស់។
២) ទឹកក្រូចឆា្មរ៖ ទឹកក្រូចឆ្មារ ត្រូវបានគេយកទៅប្រើប្រាស់ ជាមួយស្បែក អស់រយៈពេលរាប់ពាន់ឆ្នាំមកហើយ ព្រោះវាមានផ្ទុក អាស៊ីតម្យ៉ាង ដែលជួយឲ្យស្បែកភ្លឺសស្អាត និងជួយកម្ចាត់ស្រទាប់ខាងលើ ដែលជាកោសិកាខ្មៅស្រអាប់។ ហើយវិធីអនុវត្តវិញ គឺយកសំលី មកជ្រលក់ទឹកក្រូចឆ្មារ រួចលាបលើស្បែកឲ្យបានសព្វ។ បន្ទាប់មកទុកចោលប្រមាណ១៥នាទី ចាំលាងចេញ ជាមួយទឹកក្តៅឧណ្ឌៗ ជាការស្រេច។

៣) ទឹកឃ្មុំ៖ ប្រសិនបើស្បែករបស់អ្នកខ្មៅ និងស្ងួតស្រអាប់ ទឹកឃ្មុំ អាចជួយអ្នកបាន ព្រោះថាវាអាចកច្ចាត់ចេញ នូវកោសិកាស្បែកដែលងាប់ ហើយជួយឲ្យស្បែកមើលទៅភ្លឺថ្លា និងសស្អាត។ ក្នុងនោះដែរ អ្នកអាចលាបទឹកឃ្មុំ ត្រង់ស្បែកមុខក៏បាន ស្បែកដងខ្លួនក៏បាន រួចទុកចោលមួយសន្ទុះ ចាំលាងទឹកចេញ។ ហើយក៏មានវិធីមួយទៀតផងដែរ គឺអ្នកអាចលាយ ជាមួយទឹកក្រូចឆ្មារ ទឹកឃ្មុំ ទឹកដោះគោ និងប្រេងអាល់ម៉ុន ហើយលាយសារធាតុទាំងអស់នេះ ឲ្យសព្វចូលគ្នា។ រួចទុកចោល រយៈពេល១៥នាទី ចាំលាងជាមួយទឹកធម្មតាជាការស្រេច។
៤) ប្រទាលកន្ទុយក្រពើ៖ ប្រទាលកន្ទុយក្រពើ គឺវាពិតជាងាយស្រួលក្នុងការដាំ ហើយវាក៏មានប្រយោជន៍ សម្រាប់ស្បែកផងដែរ ដែលវាជួយឲ្យលូតលាស់ នូវកោសិកាស្បែកថ្មី និងជួយជួសជុលជាលិកាដែលត្រូវបំផ្លាញ។ ក្នុងនោះដែរ បើនិយាយពីវិធីអនុវត្តវិញ គឺពិតជាងាយស្រួលខ្លាំងណាស់ ដែលគ្រាន់តែយកប្រទាលកន្ទុយក្រពើ មកចិតយកជេល នៅខាងក្នុងរបស់វា រួចយកមកលាបស្បែករបស់អ្នក រយៈពេល៣០នាទី ហើយលាងទឹកចេញជាការស្រេច។
៥) ល្ហុង៖ ចំពោះផ្លែល្ហុង គឺជារូបមន្តដ៏ល្អមួយ អាចជួយឲ្យស្បែកសស្អាត និងមានពន្លឺ។ វាមិនពិបាកនោះទេ គ្រាន់តែអ្នកឧស្សាហ៍ទទួលទានផ្លែល្ហុងឲ្យបានច្រើន ដើម្បីទទួលបានអត្ថប្រយោជន៍សំបូរបែប។ ចំពោះវិធីមួយទៀត អ្នកអាចយកផ្លែល្ហុង មកត្រដុសស្បែករបស់អ្នក ដោយផ្ទាល់តែម្តង រហូតទាល់តែស្ងួត ហើយចាំលាងទឹកចេញជាការស្រេច។
៦) ល្មៀត៖ ល្មៀត មានសារធាតុអុកស៊ីតកម្មខ្ពស់ ជួយដល់ស្បែក។ ចំពោះវិធីអនុវត្តវិញ គ្រាន់តែយកក្រែមទឹកដោះគោ មកលាយជាមួយនឹង ម្សៅល្មៀតមួយចំនួន បន្ទាប់មកលាបវា និងទុកវាចោល រហូតទាល់តែស្ងួត។ ចុងក្រោយចាំលាង ជាមួយនឹងទឹកក្តៅឧណ្ឌៗជាការស្រេច។
៧) សណ្តែកសៀង៖ សណ្តែកសៀង ជាអាហារធម្មជាតិមួយ ដែលជួយប្រឆាំងនឹងភាពចាស់ដ៏ល្អបំផុត ព្រោះថា វាមានផ្ទុកនូវសារធាតុ Isoflavone។ បន្ថែមពីនេះទៅទៀត សារធាតុប្រឆាំងអុកស៊ីតកម្ម បានរកឃើញ នៅក្នុងសណ្តែកសៀង គឺវាជួយថែទាំស្បែក ឲ្យមានភាពរលោងស្អាត។ ដូច្នេះអ្នកគួរតែព្យាយាម ទទួលទានផលិតផល ណា ដែលមានជាតិសណ្តែកសៀង ដូចជា តៅហ៊ូ ទឹកដោះគោដែលផ្សំពីសណ្តែកសៀង ជាដើម ព្រោះវាជួយឲ្យស្បែកសស្អាតបាន។
៨) ចេក៖ ចេកសម្បូរទៅដោយ ជាតិវីតាមីន B វីតាមីន E វីតាមីន A ខ្ពស់ ដែលវាជាអាហារដ៏ល្អបំផុត ជួយប្រឆាំងនឹងភាពចាស់។ ដើម្បីទទួលបានស្បែកសស្អាត ជាងពីមុន អ្នកគួរតែញ៉ាំផ្លែចេក ១ ទៅ២ផ្លែ ជាប្រចាំ រឺក៏អ្នកអាចយកផ្លែចេកស្រស់ៗ មកបិទលើមុខរបស់អ្នកក៏បានផងដែរ ដើម្បីធ្វើឲ្យស្បែករបស់អ្នក កាន់តែមានពន្លឺចែងចាំង។
៩) ទឹកដូង៖ ទឹកដូង ជារូបមន្តសម្រស់មួយ ដ៏ងាយស្រួលអនុវត្តបំផុត សម្រាប់អ្នកដែលចង់បានស្បែកសស្អាត ដោយធម្មជាតិ។ ចំពោះទឹកដូង ត្រូវបានគេដឹងថា មានជាតិវីតាមីន និងជាតិរ៉ែផ្សេងៗទៀត ដែលចាំបាច់សម្រាប់សុខភាព។ ហើយវាក៏មានជាតិកាឡូរីទាបផងដែរ។ ក្នុងនោះដែរ ទឹកដួង ជួយឲ្យស្បែករបស់អ្នក ភ្លឺថ្លា និងជួយឲ្យស្បែកមានជាតិសំណើម ពីខាងក្នុង។ វិធីអនុវត្ត គឺអ្នកក៏អាចយកសំលី មកជ្រលក់ទឹកដូង រួចលាបលើផ្ទៃមុខផងដែរ ហើយអ្នកមិនចាំបាច់លាងទឹកចេញនោះទេ។

១០) ផ្លែគីវី៖ ផ្លែគីវី សម្បូរទៅដោយវីតាមីន C ដែលជួយឲ្យ ស្បែកសស្អាតដោយធម្មជាតិ។ ហើយអ្នកក៏អាចយកផ្លែគីវីស្រស់ មកលាបត្រង់កន្លែង ស្នាមខ្មៅ រឺក៏ស្នាមសម្លាក ដើម្បីទទួលបានស្បែកម៉ត់រលោងស្អាត។

ទាំងនេះជាតិចនិកល្អៗ ក្នុងការជួយឲ្យស្បែករបស់អ្នកសស្អាត តាមបែបធម្មជាតិ ដោយមិនចាំបាច់ចំណាយថវិកាច្រើន៕

ប្រភព:https://www.khmerload.com/news/46490

ពណ៌សក់អ្វីខ្លះ ពេញនិយមបំផុត ក្នុងចំណោមយុវវ័យខ្មែរ ប្រចាំឆ្នាំ២០១៦ នេះ?

ភ្នំពេញ៖ ក្នុងឆ្នាំថ្មី២០១៦ អ្វីៗគ្រប់យ៉ាង ផ្លាស់ប្តូរទៅតាមសម័យកាល មិនថាស្ទាយតុបតែងខ្លួន របស់ប្រើប្រាស់ ឬចិត្តគំនិតនោះទេ។ ពិសេសទៀតសម្ផស្សតែម្តង តែងតែមានភាពផ្លាស់ប្តូរ ពីមួយឆ្នាំទៅមួយឆ្នាំផងដែរ។
ជាការពិតណាស់ មនុស្សមួយចំនួន តែងតែចង់ផ្លាស់ប្តូរមកអ្វីដែលថ្មីប្លែក ដើម្បីអភិវឌ្ឍន៍ខ្លួន ឈានទៅកាន់ភាពទាន់សម័យ និងស៊ីវីល័យថែមមួយកំរិតទៀត។ ដូចគ្នានេះដែរ យុវវ័យមួយចំនួន ពួកគេគិតថាភាពទាន់សម័យ តាមរយៈការផ្លាស់ប្តូរពណ៌សក់ ដែលកំពុងតែទទួលបាន ការពេញនិយមយ៉ាងខ្លាំង នៅតាមបណ្តាប្រទេសជឿនលឿននីមួយៗ។

ចំពោះយុវវ័យកម្ពុជាមួយចំនួនវិញ ក៏មានជំនឿថាមិនខុសគ្នាប៉ុន្មានដែរ ក្នុងការផ្លាស់ប្តូរម៉ូត និងពណ៌សក់ ដោយពួកគេគិតថា អាចនាំមកនូវភាពស្រស់ស្អាតទាក់ទាញ និងស៊ីវីល័យ ហើយអាចជំរុញឲ្យក្លាយជា មនុស្សថ្មីម្នាក់ទៀត។
ទន្ទឹមនឹងនេះ ក្រុមការងារខ្មែរឡូត បានស្វែងរកនិងចុះទៅកាន់ ហាងសាឡនមួយចំនួនដោយផ្ទាល់ នៅក្នុងរាជធានីភ្នំពេញ ដែលតាមដឹង លឺថាសុទ្ធតែជាហាងល្បី ជំនាញផ្នែកសក់ និងជំនាញផ្នែកតុបតែងសក់ ដែលមិត្តៗយុវវ័យខ្មែរ ចូលចិត្តទៅ។
ខ្មែរឡូតបានធ្វើការសាកសួរពួកគាត់ អំពីចំណង់ចំណូល របស់យុវវ័យខ្មែរបច្ចុប្បន្ននេះ ថាភាគច្រើនបំផុត ពួកគេចូលចិត្តលេងម៉ូតសក់ពណ៌អ្វី និងតើពណ៌អ្វីដែលពេញនិយមខ្លាំងជាងគេបំផុត នៅក្នុងឆ្នាំ ២០១៦ នេះ? តាមដានទាំងអស់គ្នា!
អ្នកឯកទេសយ៉ាងប៉ិនប្រសព្វ ប្រចាំហាងថែរក្សាសម្ផស្ស The Orchid Salon & Spa ដែលទំនើប និងមានផាសុកភាព បានបង្ហើបប្រាប់មកកាន់ ក្រុមការងារខ្មែរឡូតថា ជាធម្មតាភ្ញៀវដែលអញ្ចើញមកកាន់ ហាងរបស់គាត់ បើនិយាយទៅ មានភ្ញៀវមកលាបថ្នាំសក់មិនលួសឡើយ ប៉ុន្តែអ្វីដែលធ្វើឲ្យគាត់កត់សម្គាល់នោះ គឺភាគច្រើនខ្លាំងមែនទែន អតិថិជននិយមលេងសក់ «ពណ៌ស្លែ និងពណ៌ស្លែបែក» ព្រោះពួកគាត់គិតថាពណ៌ទាំងនេះ មើលទៅសីុវីល័យ ហើយទាក់ទាញ និងមើលទៅមានលក្ខណៈស្រគត់ស្រគុំម៉្យាងដែរ។ បន្ទាប់មក មានដូចជា «ពណ៌ស្វាយ និង ពណ៌ធម្មជាតិ» ក៏ពេញនិយមច្រើនផងដែរ។
ជួបជាមួយអ្នកឯកទេស ប្រចាំហាងដ៏ពេញនិយមមួយទៀត Platinium Salon (ផ្លាទីនីម សាឡន) បានប្រាប់ក្រុមការងារខ្មែរឡូតថា ធម្មតាអតិថិជនអញ្ចើញមកកាន់ហាងរបស់គាត់ មានមួយចំនួនធំមកលាបសក់តែម្តង។ ពណ៌សក់ដែលពេញនិយម និងដាច់បំផុត ប្រចាំហាងរបស់គាត់ គឺ «ពណ៌ទឹកប្រាក់» ឬអាចហៅបានម៉្យាងទៀតថា «ពណ៌ប្រផេះ»។ បន្ទាប់ពីនេះ មានពណ៌បន្ទាប់បន្សំមួយចំនួន ដែលយុវវ័យភាគច្រើននិយមចូលចិត្តនោះ គឺប្រភេទ «ឆ្កឹះពណ៌» ដូចជា «ពណ៌ខៀវ ស្វាយ និងផ្កាឈូក» ជាដើម។ រីឯតំលៃវិញ ជាធម្មតាតំលៃចាប់ពី ៤០$ ដល់ ៨០$ទៅតាមប្រភេទសក់វែង ឬខ្លី។
សរុបសេចក្តីមក យោងតាមការសាកសួរក្រៅផ្លូវការ ពីសំណាក់ហាងសាឡនល្បីៗមួយចំនួន និងមិត្តយុវវ័យមួយចំនួននៅខាងក្រៅផងនោះ អាចបញ្ជាក់បានថា បច្ចុប្បន្ននេះពណ៌សក់ដែលយុវវ័យកម្ពុជាយើង និយមជាងគេបំផុត ប្រចាំឆ្នាំ២០១៦នេះ មានដូចជា ពណ៌ប្រផេះ (ស ឬទឹកប្រាក់) ពណ៌ស្វាយ ពណ៌ស្លែនិងជាលក្ខណៈឆ្កឹះពណ៌៕
ចុះប្រិយមិត្តវិញ ចូលចិត្តពណ៌សក់អ្វីដែរ និងយល់យ៉ាងណា ចំពោះពណ៌សក់ទាំងនេះ?

ប្រភព:https://www.khmerload.com/category/15?page=5

Saturday, August 13, 2016

តាមពិត មិនពាក់ខោអាវក្នុងពេលគេង សំខាន់ដល់សុខភាពយើង ខ្លាំងដល់ម្លឹងសោះ!

តើគួរពាក់ ខោអាវក្នុង នៅពេលគេងដែរឬទេ?
ការគេងមានសារៈសំខាន់ខ្លាំងណាស់ សំរាប់ដំណើរការរបស់រាងកាយ។ វាមិនត្រឹមតែ ជាការ សំរាកប៉ុណ្ណោះទេ ប៉ុន្តែក៏ជាដំណើរការជួសជុលសរីរាង្គខាងក្នុង របស់រាងកាយផងដែរ។
អ្វីដែលមនុស្សគ្រប់រូបគួរតែយល់ដឹងនោះគឺ យើងមិនគួរស្លៀកពាក់ខោអាវក្នុង ណាមួយទេ នៅពេលដែលពួកយើងកំពុងដេក។ ហេតុអ្វីបានជាត្រូវធ្វើបែបនេះ? ពីព្រោះវានឹងផ្ដល់ឱកាសអោយរាងកាយបាន "ដកដង្ហើម" ដែរ ក្នុងអំឡុងពេលរាងកាយ កំពុងធ្វើដំណើរការពេលយើងគេង។
នៅក្នុងអំឡុងពេលគេង សាច់ដុំនឹងសំរាកដូចគ្នាដែរ។ ប៉ុន្តែមានដំណើរការសំខាន់ផ្សេងទៀត ដែលកំពុងធ្វើការក្នុងរាងកាយ មានន័យថានៅពេលដែលអ្នកគេង រាងកាយអ្នកត្រូវបានជួសជុល និងត្រូវបញ្ចញជាតិពុល (detoxified) ទាំងឡាយ។ ការគេងអាចថែមទាំងផលិតអ័រម៉ូនភាពស៊ាំ (ប្រព័ន្ធការពាររាងកាយ) បានទៀតផង។
ដោយសារតែ ដំណើរការដ៏សំខាន់ទាំងនេះកើតឡើង ទើបអ្នកគួរប្រើតែសម្លៀកបំពាក់គេងណាដែលរលុងៗ និងមិនស្លៀកខោអាវក្នុងពេលកំពុងគេងរឹតតែប្រសើរ ដូច្នេះទើបអាចធ្វើឲ្យ ដំណើរការជួសជុលរាងកាយ អាចប្រព្រឹត្តទៅបានកាន់តែលឿន។

@ ផលប៉ះពាល់សម្រាប់ស្ត្រី៖
សម្រាប់ស្ត្រីគ្រប់រូប ត្រូវបានណែនាំមិនអោយពាក់អាវទ្រនាប់ពេលដែលកំពុងគេងនោះទេ។ អ្នកវិទ្យាសាស្រ្ត Sydney Singer និងភរិយារបស់លោក Soma Grismaijer បានសរសេរសៀវភៅមួយក្បាល នៅក្នុងឆ្នាំ១៩៩១ “Dressed To Kill : និយាយពីទំនាក់ទំនងរវាង ជំងឺមហារីកសុដន់ និងអាវទ្រនាប់ស្ត្រី”។ សៀវភៅនេះបានបញ្ជាក់ថា ស្ត្រីដែលចង់ជៀសវាងការកើតជំងឺមហារីកសុដន់គួរពាក់អាវទ្រនាប់ នៅក្នុងពេលវេលាដ៏ខ្លីបំផុតតាមដែលអាចធ្វើទៅបានអោយបានតិចជាង១២ម៉ោង ក្នុងមួយថ្ងៃ។ ការប្រើប្រាស់អាវទ្រនាប់ រយៈពេលយូរពេក អាចបង្កើនសីតុណ្ហភាពជាលិការបស់សុដន់ និងសុទ្ធតែមានអរម៉ូន Prolactin កម្រិតខ្ពស់ (អរម៉ូនដែលមានមុខងារជំរុញក្រពេញទឹកដោះ)។ កត្តាទាំងពីរនេះ អាចធ្វើអោយប៉ះពាល់ដល់ ការកើតឡើងនៃជំងឺមហារីកសុដន់។ ក្រៅពីនេះ ស្ត្រីដែលប្រើដែលប្រើអាវទ្រនាប់ ដែលតឹងពេកញឹកញាប់ នឹងបង្កគ្រោះថ្នាក់ដល់សុខភាព ដោយសារតែវាអាចបង្អាក់ លំហូរទឹករងៃដែលមាននៅក្នុងសុដន់។ ជាធម្មតា សារធាតុរាវនៃទឹករងៃគឺជាអ្នកលាងសម្អាត កាកសំណល់និងជាតិពុលផ្សេងទៀតចេញពីសុដន់។ គួរកត់សម្គាល់ផងដែរថា សំណើមដែលមានច្រើននៅតំបន់ប្រដាប់ភេទស្ត្រី អាចនាំឱ្យឆ្លងមេរោគផ្សិតទ្វារមាស។ ការឆ្លងមេរោគទូទៅបំផុត របស់ស្ត្រីក្នុងវ័យបង្កើតកូន គឺពពួកបាក់តេរីត្រង់ទ្វារមាសដែលនឹងកើនឡើងច្រើន រួចបង្កជាក្លិនអាក្រក់, និងស្ត្រីមួយចំនួនជួបបញ្ហាទ្វារមាសមានក្លិនឆ្អាប បន្ទាប់ពីរួមភេទរួច។ ដែលកត្តាទាំងអស់នេះ បង្កឡើងពីការស្លៀកខោក្នុងនៅពេលគេង។

@ ផលប៉ះពាល់សម្រាប់បុរស៖

រីឯបុរសៗ គួរតែប្រើខោណាដែលរលុង ឬមិនចាំបាច់ពាក់អ្វីក៏បាន។ ការធ្វើបែបនេះគឺ ដើម្បីអោយ “ពងស្វាស” ធ្វើការកាត់បន្ថយសីតុណ្ហភាពរបស់ខ្លួន ដែលនឹងរក្សានូវគុណភាពនៃមេជីវិតឈ្មោល។ សរីរាង្គបន្តពូជរបស់បុរស ផលិតនៅខាងក្រៅរាងកាយ ដូច្នេះវាត្រូវរងឥទ្ធិពលដោយសារស្ថានភាព និងសម្លៀកបំពាក់ដែលស្ថិតនៅជុំវិញ។ ប្រសិនបើបុរសៗ ស្លៀកខោក្នុងតឹងរយៈពេលយូរពេកវានឹងបង្កើនសីតុណ្ហភាពនៅជុំវិញសរីរាង្គបន្តពូជ នាំអោយប៉ះពាល់ដល់ការផលិតមេជីវិតឈ្មោល។ ពងស្វាសមិនអាចដំណើរការបានត្រឹមត្រូវទេ លុះត្រាតែសីតុណ្ហភាពរបស់វាត្រជាក់ជាងផ្នែកផ្សេងទៀតនៃរាងកាយ។ ប្រសិនបើសីតុណ្ហភាព ពងស្វាសកើនឡើងទៅ 98 oF (36.67 oC) វានឹងបញ្ឈប់ ការផលិតមេជីវិតឈ្មោលតែម្តង។ នៅពេលដែលការផលិតត្រូវអាក់ខានបែបនេះ, វានឹងមានផលប៉ះពាល់អវិជ្ជមានដូចជា អាចកាត់បន្ថយចំនួនមេជីវិតឈ្មោលរបស់បុរស, អាចបណ្តាលអោយមេជីវិតឈ្មោលស្លាប់ និងប៉ះពាល់ដល់ រូបសាស្ត្រ (morphology) នៃមេជីវិតឈ្មោលខ្លួនវាទៀតផង។

+ អត្ថប្រយោជន៍នៃការគេងមិនពាក់ខោអាវក្នុង៖

មានផាសុកភាព

នៅពេលដែលអ្នកមិនស្លៀកខោអាវក្នុងគេង, អ្នកនឹងមានផាសុកភាពជាងមុន ជាពិសេសអ្នកអាចគេងលក់បានកាន់តែឆាប់។

កាត់បន្ថយការឆ្លងមេរោគ

ប្រសិនបើអ្នកមិនពាក់ខោក្នុងពេលកំពុងគេងទេ សីតុណ្ហភាពត្រង់នោះនឹងថយចុះ និងលទ្ធភាពនៃការរីកលូតលាស់បាក់តេរី ត្រូវបានកាត់បន្ថយបានយ៉ាងខ្លាំង។ នេះមានន័យថា អ្នកបាន កាត់បន្ថយការកកើតឡើងនៃផ្សិត ឬការឆ្លងមេរោគប្រភេទផ្សេងៗទៀត ដែលអាចអោយអ្នកជៀសវាងក្លិនអាក្រក់បាន។

បង្កើនចំណងស្នេហារវាងអ្នក និងដៃគូ

ជឿចុះថា បើចៃដន្យប្រពន្ធរបស់អ្នកដឹងថា អ្នកមិនបានពាក់ខោនៅលើគ្រែ, អ្នកនឹងទទួលបាន សកម្មភាពមួយចំនួននៅយប់នោះ។

ការដែលអ្នកមិនគួរស្លៀកខោអាវក្នុង នៅអំឡុងពេលគេងនេះគឺជាការសំរួលដល់ប្រព័ន្ធឈាមរត់របស់រាងកាយបានកាន់តែរលូន។ វាត្រូវបានគេប៉ាន់ប្រមាណថា ការគេងជាមួយ ខោអាវក្នុងអាចរារាំងលំហូរខ្យល់ចូលក្នុងស្បែក និងការបិទបាំងនូវការបញ្ចេញញើស, ជាពិសេសនៅត្រង់ចំនុចពិសេសទាំងបុរសនិងស្ត្រី៕

ប្រភព:https://www.khmerload.com/news/48128

តោះញ៉ាំ ផ្លែប៉េងប៉ោះCherry ទាំងអស់គ្នា បើអ្នកចង់បានស្បែកសស្អាត និងស្រស់ថ្លា!

ប៉េងប៉ោះជាប្រភេទផ្លែឈើ ដែលពេញនិយមបំផុតនៅលើពិភពលោក។ វាត្រូវបានគេស្គាល់ថាមានអត្ថប្រយោជន៍ជាច្រើន សម្បូរទៅដោយវីតាមីនចម្រុះ និងសារធាតុរ៉ែជាច្រើនដែលមានប្រយោជន៍ដល់រាងកាយ។
វីតាមីនទាំងនោះមានដូចជា វីតាមីនA វីតាមីនC វីតាមីនK វីតាមីនB1 វីតាមីន B2 កាល់ស្យូម ផូស្វ័រ និងជាតិដែកផ្សេងៗថែមទៀតផង ទើបប៉េងប៉ោះត្រូវបានគេចាត់ថ្នាក់ថាជាផ្លែឈើដែលមានលក្ខណៈសម្បត្តិដ៏អស្ចរ្យ និងប្រៀបប្រដូច ជាឱសថដែលល្អលើសគេ។
ប៉េងប៉ោះតាមការស្រាវជ្រាវបានបង្ហាញថា វាមានប្រយោជន៍ដល់រាងកាយ មានប្រសិទ្ធភាពបង្ការជំងឺមហារីក និងជាពិសេសថែរក្សាស្បែកឱ្យមានសុខភាពល្អ សភ្លឺរលោង ស្រស់ថ្លាបានមួយកម្រិតដែរ។

ដូច្នេះថ្ងៃនេះយើងសូមណែនាំនូវប្រភេទផ្លែប៉េងប៉ោះ Cherry តូចៗ ដល់លោកអ្នកដើម្បីសាកល្បងទទួលទានវា លាយជាមួយបន្លែផ្សេងៗម្តងមើល៍ ព្រោះថាប៉េងប៉ោះនេះនឹងក្លាយទៅជា របស់ល្អមួយសម្រាប់សុខភាពស្បែករបស់អ្នក។ ក្នុងនោះ វាជួយជម្រះស្បែក ចេញពីភាពកង្វក់ពីខាងក្នុង អនុញ្ញាតឱ្យស្បែកអ្នកមានសំណើមជាប់ជានិច្ច មិនងាយនឹងស្ងួតបែកស្រការ ហើយសភ្លឺរលោងជាមួយនឹងការប្រឆាំងនឹងប្រតិកម្មអុកស៊ីតកម្ម ដែលជួយក្នុងការកាត់បន្ថយ និងពន្យាភាពចាស់ជាងវ័យទៀតផង។
ចំណែកឯវីតាមីន A វិញ វាជួយរក្សាភ្នែក និងស្បែកឱ្យមានមានសុខភាពល្អ វាជួយ ព្យាបាលការកើតមុនគ្រប់ប្រភេទ។ មិនតែប៉ុណ្ណោះ បើអ្នកមិនចង់ ឬមិនចេះបរិភោគវា ស្រស់ៗលាយជាមួយនឹងបន្លែ អ្នកក៏អាចយកផ្លែប៉េងប៉ោះ Cherry នេះ មកចិតវាជា ចំណិតៗស្តើងៗ មកបិតនៅលើមុខរបស់អ្នកមុនពេលចូលគេង ឬពេលទំនេរ នោះវា នឹងជួយផ្តល់សំណើមដល់ផ្ទៃមុខជាប់ជានិច្ច ថែមទាំងជួយបំបាត់ភាពចាស់ជ្រីវជ្រួញ បានយ៉ាងមានប្រសិទ្ធភាពខ្ពស់ផងដែរ។

ដឹងបែបនេះហើយប្រញាប់ទៅរកទិញ មកទទួលទានទាំងអស់គ្នាណា សម្រាប់អ្នកដែលស្រឡាញ់ស្បែកស្អាត ហើយបើមិនចេះញ៉ាំវាលាយជាមួយបន្លែ ឬញ៉ាំជាផ្លែគ្រាប់ស្រស់ៗទេ សូមសាកល្បងញ៉ាំជាទឹកផ្លែឈើ (ទឹកប៉េងប៉ោះ) វិញម្តងលមើល៍! ឬបើនៅតែមិនចេះញ៉ាំទៀត អាចសាកគិតថាវាគឺជាទឹកផ្លែឈើម្យ៉ាង ដែលអ្នកចូលចិត្តបំផុត ឬស្រមៃថាវា ជាអាហារសំណព្វរបស់អ្នក រួចទំពារ និងលេបវាចូលទៅក្នុងពោះចុះ នោះអ្នកនឹងមិនស្តាយក្រោយនោះទេ ចំពោះអត្ថប្រយោជន៍ដែលនឹងទទួលបានមកវិញ៕

ប្រភព;https://www.khmerload.com

បញ្ហាធំ ៣យ៉ាង ដែលនារីៗវ័យជំទង់ កំពុងតែប្រឈមមុខ និងវិធីដោះស្រាយ!

មនុស្សស្រីឱ្យតែឈានចូលដល់វ័យជំទង់ តែងតែមានការប្រែប្រួលរាងកាយ និងអវៈ យវៈជាច្រើនផ្នែក ជាពិសេសគឺអវៈអវៈភេទរបស់ខ្លួននេះតែម្តង។ បច្ចុប្បន្នពួកគេកំពុង តែមានការអៀនខ្មាសយ៉ាងខ្លាំង នៅក្នុងការជួបពិគ្រោះយោបល់ ជាមួយនឹងគ្រូពេទ្យ ឬអាណាព្យាបាល។ ជាការពិតណាស់មានក្មេងស្រីរហូតដល់ទៅ ៩២% ឯណោះដែល មានអារម្មណ៍ថាភ័យខ្លាច និងអៀនខ្មាសពេលដែលនិយាយដល់រឿងកេរ្តិ៍ភេទនេះ ហើយ មានតែ ២១% ប៉ុណ្ណោះដែលហ៊ានទៅធ្វើការពិគ្រោះយោបល់ពីបញ្ហានេះជាមួយអ្នកមានជំនាញ ឬមនុស្សជិតស្និទ្ធរបស់ខ្លួន ទោះបីជាពួកគេភាគច្រើនត្រូវទទួលរងទុក្ខខ្លាំងប៉ុណ្ណាក៏ដោយ។ តទៅនេះកុំបារម្ភទៀតអី! យើងនឹងទៅមើលពីបញ្ហានោះព្រមជាមួយនឹងដំណោះស្រាយទាំងអស់គ្នា៖
១.ក្លិន៖ នារីគ្រប់រូបពិតប្រាកដជាមានក្តីបារម្ភខ្លាំងណាស់ ពីមូលហេតុនៃក្លិនដែលកើត ចេញពីកន្លែងសំខាន់របស់គេ ដែលត្រូវបានបង្កឡើងដោយការរីកលូតលាស់នៃបាក់ តេរី។ ដូច្នេះអ្វីដែលសំខាន់បំផុតនោះគឺការរក្សាវាឱ្យបានស្អាតល្អ។ តើធ្វើដូចម្តេច ដើម្បីថែទាំ និងកម្ចាត់ក្លិនអាក្រក់ទាំងនោះចេញ? ក្រៅពីការលាងសំអាត ការបរិភោគ ក៏វាជារឿងសំខាន់ណាស់ដែរ ដើម្បីលុបបំបាត់ក្លិនពីត្រង់នេះ។ គួរចៀសវាងអាហារ ដែលមានរសជាតិហឹរ និងអាហាផ្អាប់ ហើយគួរទទួលទាន ឬផឹកទឹកដោះគោ និងទឹក យ៉ាអួជំនួសវិញទើបជាការប្រសើរ។ បើសិនជាអាចធ្វើយ៉ាងនេះ បានក្លិនអាក្រក់នឹងត្រូវ បានកាត់បន្ថយ ព្រមទាំងបង្កើននូវភាពស្រស់កាន់តែច្រើនឡើង។

២. អាការៈរមាស់ពេលមករដូវ៖ ក្នុងអំឡុងពេលមករដូវ មាននារីក្មេងៗខ្លះកើតមាន អាការៈរមាស់ និងមានអារម្មណ៍ថាមិនស្រួលសោះនៅក្នុងខ្លួន។ ដំណោះស្រាយជា អាទិភាពដំបូងគេគឺពេលមករដូវ ចូរកុំប្រើសំឡីអនាម័យតែមួយបន្ទះក្នុងមួយថ្ងៃត្រូវ ឧស្សាហ៍ព្យាយាមផ្លាស់ប្តូរវា ឱ្យមានខ្យល់ចេញចូល និងអនាម័យគ្រប់គ្រាន់ ដើម្បីទប់ ស្កាត់ការរីកលូតលាស់នៃមេរោគនានា ដែលបង្កឡើងដោយបាក់តេរីអាក្រក់។ យក ល្អគួរតែផ្លាស់ប្តូរជារៀងរាល់ ២-៣ ម៉ោងម្តង ដើម្បីទប់ស្កាត់ការរមាស់។ ដូចគ្នានេះផង ដែរការបោកគក់សម្លៀកបំពាក់ត្រូវធានាថា ស្អាតល្អហើយហាលឱ្យត្រូវពន្លឺថ្ងៃ និងមិនគួរពាក់ខោអាវក្នុង រឹបតឹងពេកនោះទេ។

៣. ការជ្រើសរើសសំលៀកបំពាក់៖ ភាគច្រើននារីដែលទើបតែឈានចូល នៅក្នុងវ័យ ជំទង់មិនទាន់បានស្វែងយល់ច្បាស់ថា តើអ្វីគឺជាសុខភាពផ្លូវភេទនៅឡើយទេ។ ជារឿយៗពួកគេ តែងតែបណ្តែតបណ្តោយឱ្យរាងកាយនៅក្នុងសភាពមួយ ដែលស្របទៅតាមធម្មជាតិ គេមិនចេះរៀបចំទុកដាក់ ឬថែរក្សាសុខភាពឱ្យល្អប៉ុន្មាននោះទេជា ពិសេសគឺការស្លៀកពាក់នេះឯង។ ពេលខ្លះអាចមានការកកិត ដាច់រលាត់ ឬរលាក ស្បែកដោយសារតែខោអាវផងក៏មាន។ ដូច្នេះដើម្បីបង្ការភាពកកិតស្បែក ឬរលាក ស្បែកដោយសារតែខោអាវក្នុង មិនថាសុភាពនារីនៅវ័យជំទង់ ឬវ័យណាក៏ដោយ គួរជ្រើសរើសខោអាវណា ដែលមានសាច់ក្រណាត់ទន់ រលាស់ ស្តើង ស្រាល និងសូម ព្យាយាមត្រួតពិនិត្យខោអាវទ្រនាប់ខ្លួនផ្ទាល់ឱ្យបានជាប់លាប់។ បើអាចមានលទ្ធភាព គួរប្ដូរទៅស្លៀកពាក់ខោអាវដែលធ្វើពីកប្បាស ឬធ្វើពីសូត្រវិញទើបជាការល្អ។

សង្ឃឹមថាបញ្ហា និងដំណោះស្រាយទាំងនេះ នឹងក្លាយទៅជាគន្លឹះសំខាន់មួយ ដែល អាចជួយឱ្យនារីវ័យជំទង់ភាគច្រើន ឈប់ព្រួយបារម្មណ៍តទៅទៀត និងមានទំនុក ចិត្តលើខ្លួនឯង កាន់តែច្រើន ទោះបីជានៅទីកន្លែងណាក៏ដោយ៕

ប្រភព:https://www.khmerload.com/news/50615

អ្នកធាត់ៗ ពេលអានអត្ថបទនេះហើយ នឹងសប្បាយចិត្ត ថារាងកាម៉ាប់ៗ ក៏មានគុណសម្បត្តិមិនណយដែរ!

ភាគច្រើន ប្រិយមិត្តធ្លាប់តែគិតថា នារីដែលមានរូបរាងស្លីមស្តើង គឺជានារីទាក់ទាញ និងស្រស់ស្អាតបំផុត។ ប៉ុន្តែចំពោះគំនិតនេះ គឺខុសស្រឡះ បើអ្នកសម្លឹងមើលឲ្យច្បាស់ ពីនារីដែលមានរាងធាត់នោះ អ្នកនឹងយល់ថា ពួកគេក៏មានភាពស្អាតជារបស់ខ្លួនម្យ៉ាងម្នាក់ ជាមួយនឹងនារីរាងស្គមដែរ ហើយជាពិសេស ក៏មានគុណសម្បត្តិមួយចំនួន របស់នារីៗកាម៉ាប់ ដែលអ្នកមិនដែលធ្លាប់ដឹងពីមុនមក៖
១) សាច់ល្អជាងឆ្អឹង៖ សាច់គឺពិតជាល្អជាងឆ្អឹង នេះសម្រាប់ការយល់ឃើញរបស់បុរសៗ។ ក្នុងនោះដែរ មនុស្សស្រីយើង គួរតែមានសាច់ឈាមខ្លះៗ ដើម្បីឲ្យមនុស្សប្រុស មានអារម្មណ៍ថា មានអ្វីម្យ៉ាងសម្រាប់ទប់ នៅពេលរូបគេចង់អោប។
២) ជាទ្រព្យដ៏អស្ចារ្យ៖ តើអ្នកដឹងទេថា ហេតុអ្វីបុរសៗ ស្រឡាញ់ស្រីធាត់? ព្រោះថា វាជាទ្រព្យសម្បត្តិ ដែលធ្វើឲ្យត្រេកត្រអាល គួរឲ្យចង់បានជាទីបំផុត។ ជាឧទាហរណ៍ ដូចតារាសម្តែងស្រី Kim Kardashian ជាតារាម្នាក់ដែលមានរាងស៊ិចស៊ីបំផុត លើពិភពលោក ហើយគ្រប់មនុស្សប្រុស តែងតែគិតទៅលើនាង។ ដូច្នេះការណាត់ជួបជាមួយនឹងមនុស្សស្រី រាងដូចជានាង គឺក្តីស្រមៃរបស់មនុស្សប្រុសទូទៅ។
៣) ពួកគេមានលក្ខណៈពិសេស៖ វាជាការពិតដែលថា មនុស្សស្រីធាត់គឺពិតជាទាក់ទាញ ទៅកាន់បុរសៗ ដោយសារតែពួកគេមានលក្ខណៈ ពិសេសល្អជាងនារីស្គមៗ។ គ្មានបុរសណាម្នាក់ ស្រលាញ់ស្រី មុខផតៗ រឺភ្នែកខូងៗនោះទេ ហើយនេះជាលក្ខណៈពិសេស ដែលនារីធាត់មាន បើប្រៀបធៀបនឹងតារាម៉ូដែលស្គមៗគឺគ្មាននោះទេ។
៤) ពួកគេជាមិត្តភក្តិអាហារ៖ មនុស្សស្រីធាត់ ចូលចិត្តញ៉ាំណាស់។ ប្រសិនបើអ្នកជាមនុស្សចូលចិត្តអាហារ នោះអ្នកគួរតែស្រលាញ់ មនុស្សស្រីធាត់ពិតជាមិនខុសបំណងទេ ព្រោះថាវាគ្មានផ្លូវណា ដែលនាងនឹងត្អូញត្អែរ និងធុញទ្រាន់នឹងអាហារនោះទេ។ មួយវិញទៀត នេះជាហេតុផលមួយ ក្នុងចំណោមហេតុផលជាច្រើន ថាហេតុអ្វីបានជាមនុស្សប្រុស ស្វែងរកមនុស្សស្រីធាត់នោះ។
៥) ដោយសារតែពួកគេមានរាងសមសួន៖ មនុស្សស្រីដែលធាត់ មានរាងសមសួន ហើយរាងរបស់ពួកគេនេះហើយ គឺមនុស្សប្រុសតែងប្រាថ្នាស្រឡាញ់។ ចំពោះចំនុចទាំង៣ នៅលើរាងកាយរបស់មនុស្សស្រីធាត់ គឺ៣៦ ២៤ ៣៦ បានធ្វើឲ្យមនុស្សប្រុស វីវក់លើពួកគេយ៉ាងខ្លាំង។ជាពិសេសទៀតនោះ គឺបុរសឥណ្ឌា ក៏តែងតែស្រលាញ់មនុស្សស្រីណា ដែលមានរាងបែបនេះផងដែរ។
៦) មនុស្សស្រីធាត់ចូលចិត្តរីករាយ និងចូលចិត្តនិយាយ៖ អ្នកមិនដែលអផ្សុកឡើយ នៅពេល បាននៅជាមួយមនុស្សស្រីធាត់ ព្រោះថាពួកគេសម្បូររឿងគួរចាប់អារម្មណ៍ជាច្រើន។ ក្នុងនោះដែរ មនុស្សស្រីធាត់ មិនដែលខ្វល់ថាពួកគេយ៉ាងណានោះទេ ហើយជួនកាលទៀតនោះ ពួកគេក៏ចូលចិត្តបង្ហោះរូបបែបអស់សំណើច កំប្លែងៗ ជាមួយនឹងអ្នកក៏មានផងដែរ។ មនុស្សស្រីធាត់ គឺតែងតែសប្បាយគ្រប់កន្លែងតែម្តង។
៧) មិនខ្លាចក្នុងការចេញក្រៅ៖ សម្រាប់មនុស្សស្រីស្គម តែងតែព្រួយបារម្ភ ពីសំបកក្រៅរបស់ពួកគេ ចាប់ពីស្បែក រហូតដល់ចុងក្រចករបស់ពួកគេ។ ប៉ុន្តែសម្រាប់នារីធាត់ៗវិញ គឺសុខចិត្តចេញទៅក្រៅជាមួយអ្នកគ្រប់ពេល។ វាមិនមានបញ្ហាសម្រាប់ពួកគេនោះទេ ថាតើអ្នកចង់ឡើងភ្នំ និងជិះកង់លើផ្លូវពិបាក រឺក៏កខ្វក់នោះ។ ជាពិសេស ពួកគេមិនសាញច្រើន ថាត្រូវបាក់ក្រចក រឺខ្ទេចនោះទេ សំខាន់គឺដើម្បីអ្នក។
៨) រីករាយជីវិតបែបធម្មជាតិ ជាមួយនឹងមិត្តស្រីរបស់អ្នក៖ មនុស្សស្រីដែលមានរាងកាម៉ាប់ គឺភាគច្រើន តែងសម្តែងភាពធម្មជាតិជាងមនុស្សស្រីស្គម ។ ចំពោះមនុស្សស្រីស្គម ចូលចិត្តដើរផ្សារ និងធ្វើអ្វីទាក់ទងនឹងសម្លៀកបំពាក់របស់ពួកគេ ជាងយកទុកចិត្តដាក់លើសម្រស់ធម្មជាតិពួកគេទៅទៀត។ រីឯនារីកាម៉ាប់ៗ តែងយកពេលទំនេរ ទៅឡើងភ្នំបែបសាមញ្ញៗទៅវិញ ។
៩) មិនប្រច័ណ្ឌ៖ ជាការពិត មនុស្សប្រុសភាគច្រើន តែងសំលឹងមើលគូស្នេហ៍ម៉ាប់ៗរបស់អ្នក តែមិនប្រាកដថា ពួកគេទាំងអស់នោះ សុទ្ធតែលង់នឹងនាងនោះទេ។ សម្រាប់មនុស្សស្រីដែលមានរាងស្តើងៗ គឺត្រូវបានមនុស្សប្រុសបាក់ចិត្ត សឹងតែគ្រប់ពេលតែម្តង។ ប៉ុន្តែនារីធាត់ៗវិញ គឺអ្នកមិនចាំបាច់ទៅបារម្ភច្រើន ខ្លាចត្រូវគេឆក់នាងទៅបាត់នោះទេ។
១០) អាចដើរជាមួយនាងគ្រប់កន្លែង៖ មនុស្សស្រីធាត់ គឺពិតជាងាយស្រួល ហើយអាចទៅគ្រប់ទីកន្លែង ដែលអ្នកស្នើសុំនាង។ ក្នុងនោះដែរ អ្នកអាចនាំនាងទៅដើរលេង នៅកន្លែងប្លែកៗ ហើយបើតាមការដឹងកន្លងមក សម្រាប់មនុស្សស្រីធាត់ គឺពិតជារំភើបពេល បានទៅឆ្នេរសមុទ្រ។
១១) សើចខ្លាំងៗ៖ មនុស្សស្រីធាត់ គឺពួកគេចូលចិត្តសើចសប្បាយខ្លាំងណាស់។ ប្រសិនបើអ្នកជ្រើសរើស មិត្តស្រីស្គមៗ អ្នកមិនអាចបង្ហាញពីអារម្មណ៍ពិត ចេញមកក្រៅបានឡើយ ដូច្នេះគួរតែសាកល្បងទាក់ទង មិត្តស្រីម៉ាប់ៗម្តងមើល។ មនុស្សស្រីដែលធាត់ តែងស្វែងរកឲ្យអ្នក នូវរឿងសប្បាយៗដាក់ខ្លួន និងពួកគេមិនសូវព្រួយបារម្ភច្រើន ដូចមនុស្សស្រីស្គមនោះទេ។ ជាពិសេស ពួកគេតែងបើកចិត្តទូលាយ និងសើចសប្បាយ ជាមួយនឹងរឿងកំប្លែងរបស់អ្នក៕
ទាំងនេះជាលក្ខណៈពិសេសរបស់មនុស្សស្រីធាត់ ដែលភាគច្រើនប្រិយមិត្តមិនដែលបានដឹង ហើយចំនុចអស់ទាំងនេះ ក៏មានមនុស្សស្រីស្គមមួយចំនួន កម្រធ្វើបានដូចគ្នាផងដែរ៕

ប្រភព:

គុណសម្បត្តិដ៏ពិសេស របស់ផ្លែអាវូកាដូ និងរបៀបទទួលទានវា ដើម្បីទទួលបានប្រសិទ្ធភាពខ្ពស់!

ផ្លែឈើនិងបន្លែសុទ្ធតែមានសារធាតុចិញ្ចឹមទាំងអស់ និងផ្តល់អត្ថប្រយោជន៍ជាច្រើនយ៉ាងដល់មនុស្ស។ ក្នុងនោះគឺផ្លែអាវូកាដូ ឬផ្លែប៊ឺរនេះ គឺចាត់ទុកថាជា«អាហារសុខភាព ដ៏ពិសេស»ព្រោះវាសម្បូរសារធាតុរ៉ែ និងសារធាតុចិញ្ចឹមសំខាន់សម្រាប់សុខភាព មិនថាតែស្បែក សក់ ឬរាងកាយនោះទេ។
ខាងក្រោមនេះជាផលប្រយោជន៍៣យ៉ាង ចម្បងៗរបស់វា៖

១.ជួយការពារជំងឺ៖ អាស៊ីតខ្លាញ់ដែលមាននៅក្នុងសាច់អាវូកាដូជួយកាត់បន្ថយ កូឡេស្តេរ៉ុលអាក្រក់ពីរាងកាយ និងមានប្រយោជន៍ក្នុងការការពារជំងឺបេះដូងដែល ទទួលរងពីកូឡេស្តេរ៉ុលក្នុងឈាមខ្ពស់ហួសប្រមាណ ហើយវាក៏ជួយសម្រកទម្ងន់ ផងដែរ ដោយសារតែវាមានផ្ទុកជាតិស្ករទាបរីឯអ្នកជំងឺទឹកនោមផ្អែម ក៏អាចទទួលទាន ផ្លែនេះបានដូចគ្នា។ ក្រៅពីនេះវាក៏សម្បូរវីតាមីនA បេតាការ៉ូទីនដែលបានជួយថែរក្សា ភ្នែកឱ្យមានសុខភាពល្អ ឯវីតាមីនB ជួយទប់ស្កាត់ ជំងឺផ្តាសាយនិងការរាតត្បាត ពីវីរុសផ្សេងៗ។
២.ជួយបម្រុងស្បែក៖ វាសម្បូរទៅដោយវីតាមីនEប្រឆាំងនឹងអុកស៊ីតកម្មដែលរំខាន ដល់ការលូតលាស់នៃកោសិកាស្បែក និងកាពាររាងកាយពីជាតិពុលនានា ពីក្នុងខ្យល់ ទឹក និងម្ហូបអាហារ ហើយវាក៏ជួយការពារកុំឱ្យស្បែក កើតជំងឺមហារីក ជាពិសេស មនុស្សពេញវ័យគួរតែទទួលទានវា យ៉ាងហោចណាស់១0មីលីក្រាម ក្នុងមួយថ្ងៃដូចជា ស្ត្រីនៅអាមេរិក និងម៉ិកស៊ិកកូ គឺតែងញ៉ាំផ្លែនេះជារឿយៗ ទើបស្បែក និងសក់ពួកគេ មានភាពស្រស់ស្អាតរាប់ពាន់ឆ្នាំមកហើយ។ ជាពិសេសអ្នកដែលមានស្បែកស្ងួត អាចយកផ្លែបឺរលាយជាមួយចេកទុំ និងទឹកឃ្មុំក្នុងបរិមាណសមាមាត្រ គឺ១ស្លាបព្រា បាយដូចគ្នា ហើយលាយចូលគ្នាឱ្យបានល្អ បន្ទាប់មកយកទៅលាបមុខទុកចោលរយៈ ពេលប្រហែល១៥-២០នាទី សឹមលាងជម្រះចេញ នោះស្បែកមុខរបស់អ្នកនឹងមាន សំណើមជាប់ជានិច្ច។ វាក៏ត្រូវបានគេប្រើជាវត្ថុធាតុដើម សម្រាប់ការទាញយកប្រេង ទៅផលិតចេញជាគ្រឿងសម្អាង ថែរក្សាស្បែកនានាផងដែរ។
៣.ជួយថែរក្សាសក់៖ វាមានប្រូតេអ៊ីនខ្ពស់ជាងផ្លែឈើស្រស់ណាៗទាំងអស់ ប្រមាណជា0,៨-១,៧%។ ប្រូតេអ៊ីននេះគឺងាយស្រួល ក្នុងការរំលាយជាតិខ្លាញ់ និងមានជាតិសរសៃខ្ពស់ដែលរាងកាយនិងសក់ត្រូវការ។ វាជួយជួសជុលសក់ខូច ហើយធ្វើឱ្យសក់ទន់រលោង។

#តើគួរបរិភោគផ្លែអាវូកាដូនេះដូចម្តេច ទើបទទួលបានលទ្ធផលខ្ពស់?

• រូបមន្តសម្រាប់ធ្វើឱ្យស្បែក និងសក់មានសំណើម៖

-ផ្លែអាវូកាដូ១ចំហៀង

-ទឹកឃ្មុំ១ស្លាបព្រាបាយ

-ទឹកដោះគោយ៉ាអួកន្លះពែង។ លាយគ្រឿងផ្សំទាំងបីមុខចូលគ្នា បន្ទាប់មកលាបនៅ លើស្បែក និងសក់មួយសន្ទះ សឹមលាងទឹកចេញ នោះវានឹងជួយផ្តល់សំណើម បានជាប់ជានិច្ច។

• រូបមន្តជួយឱ្យស្បែកដងខ្លួនភ្លឺរលោង៖

-ផ្លែអាវូកាដូ១ចំហៀង

-ទឹកក្រូចឆ្មា១ស្លាបព្រាបាយ

-ស៊ុត១គ្រាប់(យកតែផ្នែកពណ៌ស)។ លាយគ្រឿងផ្សំទាំងបីមុខបញ្ចូលគ្នា បន្ទាប់មក លាបនៅលើស្បែកដែលខ្មៅស្រអាប់ទុកចោលមួយសន្ទះ ទើបលាងទឹកចេញ នោះវា នឹងជួយផ្តល់សំណើម និងប្រូតេអ៉ីនដែលចេញពីស៊ុតធ្វើឱ្យស្បែក មានសុខភាពល្អ នឹងជួយបន្ថែមជាតិទឹក ហើយទឹកក្រូចឆ្មារ នឹងធ្វើឱ្យស្បែកភ្លឺចាំងចែងម៉ត់រលោង៕

ប្រភព:https://www.khmerload.com/news/50802

អត្ថប្រយោជន៍ សម្រាប់សុខភាព ដ៏អស្ចារ្យ របស់ផ្លែម្នាស់

ផ្លែម្នាស់ គឺជាប្រភេទផ្លែឈើ រសជាតិឆ្ងាញ់បំផុត ប្រចាំតំបន់ត្រូពិច ជាយូរមកហើយ។ វាមិនត្រឹមតែ មានរសជាតិខុសប្លែកពីផ្លែឈើដទៃប៉ុណ្ណោះទេ វាក៏ត្រូវបាន គេមើលឃើញពី អត្ថប្រយោជន៍សម្រាប់សុខភាព ដ៏អស្ចារ្យជាច្រើនផងដែរ។ ផ្លែម្នាស់ អាចទទួលទាន ទាំងស្រស់ៗ យកទៅចំអិន និងពិសាជាទឹកផ្លែឈើទៀតផង។ សូម្បីតែ ស្លឹករបស់វា ក៏ត្រូវបានគេកែច្នៃ យកទៅប្រើប្រាស់ ជារូបភាពលើជញ្ជាំង និងពិដានផងដែរ។
# អាហាររូបត្ថម្ភ ដែលមានក្នុងផ្លែម្នាស់
ផ្លែម្នាស់ គឺជាឃ្លាំង នៃអត្ថប្រយោជន៍សុខភាព ដោយសារតែវាពោរពេញ ទៅដោយសារធាតុចិញ្ចឹម វីតាមីន សារធាតុរ៉ែ រួមទាំង សារធាតុប៉ូតាស្យូម ស្ពាន់ ម៉ង់កាណែស កាល់ស្យូម ម៉ាញ៉េស្យូម វីតាមីនC វីតាមីនB6 ក៏ដូចជា ជាតិសរសៃរលាយ និងមិនរលាយផ្សេងទៀត។

# អត្ថប្រយោជន៍សម្រាប់សុខភាព របស់ផ្លែម្នាស់
១. កាត់បន្ថយបញ្ហារលាកសន្លាក់
ម្នាស់ ត្រូវបានគេប្រើប្រាស់ជាប្រចាំ សម្រាប់កាត់បន្ថយបញ្ហារលាកសន្លាក់ និងសាច់ដុំ ជាពិសេស អ្នកដែលឧស្សាហ៍ រងបញ្ហារលាកសន្លាក់ញឹកញាប់។ នេះជាជំងឺ ដែលមានមនុស្សរាប់លានអ្នកជុំវិញពិភពលោក ជួបប្រទះ។ ផ្លែម្នាស់ មានផ្ទុកអង់ស៊ីម proteolytic (ឬ bromelain) ដែលជាសារធាតុកម្រ និងមានសម្ថភាពអាចបំបែក ជាតិប្រតេអ៊ីនស៊ាំញ៉ាំ និងការពារការរលាក នៅក្នុងរាងកាយបានផងដែរ។
២. ជួយសុខភាពជាលិកា និងកោសិកា
អត្ថប្រយោជន៍ ដែលគេតែងតែមើលរំលង គឺវីតាមីន C ដែលមានក្នុងផ្លែម្នាស់ ដើរតួនាទីយ៉ាងសំខាន់សម្រាប់ បង្កើតជាតិកូឡាជែន (collagen)។ ជាតិ collagen នេះគឺជាវីតាមីនដ៏មានសារៈសំខាន់ របស់សរសៃឈាម ស្បែក សរីរាង្គ និងឆ្អឹង។ កម្រិតជាតិវីតាមីន C ខ្ពស់ អាចជួយឲ្យរបួស ឆាប់ជាសះស្បើយ និងងាយការពារ ការឆ្លងមេរោគ និងជំងឺផ្សេងៗបានច្រើនទៀតផង។
៣. បង្ការជំងឺមហារីក
វីតាមីន C ប្រឆាំងអុកស៊ីតកម្ម ដែលមានក្នុងផ្លែម្នាស់ ជួយប្រយុទ្ធប្រឆាំង នឹងជំងឺមហារីក។ ម្នាស់ សម្បូរទៅដោយ សារធាតុប្រឆាំងអុកស៊ីតកម្មជាច្រើនប្រភេទ រួមមាន វីតាមីនA បេតាការូទីន Bromelain និងកម្រិតជាតិម៉ង់កាណែសខ្ពស់ ដែលអាចការពារជំងឺមហារីកផ្សេងៗ បានជាច្រើនប្រភេទ។ ផ្លែម្នាស់ ត្រូវបានគេទទួលស្គាល់ថា អាចជួយការពារ ជំងឺមហារីក មាត់ បំពង់ក និងសុដន់បាន។
៤. ជួយដល់ការរំលាយអាហារ
ម្នាស់ក៏ដូចជា ផ្លែឈើដទៃទៀតដែរ ដែលសម្បូរទៅដោយ ជាតិសរសៃ តែចំនុចពិសេសគឺ វាមានទាំងជាតិសរសៃដែលរលាយ និងមិនរលាយ។ នេះមានន័យថា ការទទួលទានផ្លែម្នាស់ អាចការពារអ្នកពីបញ្ហាសុខភាពជាច្រើន រួមមាន ការទល់លាមក រាគ រលាកពោះវៀន ស្ទះសរសៃឈាម ឈាមកក និងបញ្ហាសម្ពាធឈាមខ្ពស់។
៥. ព្យាបាលក្អក និងផ្តាសាយ
វីតាមីន C របស់ផ្លែម្នាស់ ជួយឲ្យប្រព័ន្ធភាពស៊ាំកាន់តែរឹងមាំ។ ក្នុងនោះដែរ អង់ហ្ស៊ីមពិសេសឈ្មោះ Bromelain ក៏ជួយកាត់បន្ថយស្លេស និងសំបោរ ដែលមានក្នុងបំពង់ក និងឆ្អឹងច្រមុះផងដែរ។ វាជួយការពារអ្នកពីជំងឺ ដែលធ្វើឲ្យអ្នកឡើងស្លេស និងសំបោរ ក៏ដូចជា ជួយកម្ចាត់ពួកវាចោល នៅពេលដែលអ្នកកំពុងតែឈឺ ឲ្យជាសះស្បើយឆាប់រហ័ស ទៀតផង។
៦. ជួយដល់សុខភាពឆ្អឹង
ទោះបីជា ផ្លែម្នាស់ មិនសម្បូរជាតិកាល់ស្យូម ដែលជាសារធាតុធ្វើឲ្យឆ្អឹងមានភាពរឹងមាំក៏ពិតមែន ប៉ុន្តែវាមាន សារធាតុម៉ង់កាណែសច្រើន ដែលជាសារធាតុរ៉ែ ដ៏សំខាន់មួយទៀត ជួយឲ្យឆ្អឹងមានភាពរឹងមាំបានដូចគ្នា។ ជាងនេះទៅទៀត វាជួយឲ្យឆ្អឹងលូតលាស់ និងប៉ះប៉ូវវិញបានទៀតផង។
៧. រក្សាសុខភាពមាត់
ជាមួយនឹង សារធាតុប្រឆាំងអុកស៊ីតកម្ម ដែលប្រយុទ្ធប្រឆាំង នឹងជំងឺមហារីកមាត់នោះ ម្នាស់ក៏ជួយពង្រឹងអញ្ចាញធ្មេញ មិនងាយធ្វើឲ្យធ្មេញបាក់។ ផ្លែម្នាស់ មានសមត្ថភាពដ៏អស្ចារ្យនិងត្រូវបានគេចាត់ទុកថា ជាឱសថធម្មជាតិ ជួសជុលធ្មេញ ដែលរង្គើ និងបញ្ហាអញ្ចាញធ្មេញមិនរឹងមាំ។
៨. ជួយសុខភាពភ្នែក
ចក្ខុ គឺជាញាណ ដែលសំខាន់ជាងគេបំផុតសម្រាប់មនុស្ស។ ផ្លែម្នាស់ អាចជួយដល់សុខភាពភ្នែក និងការពារភាពចុះខ្សោយនៃភ្នែក តាមអាយុទៀតផង។ មនុស្សដែលមានវ័យចំណាស់ ច្រើនតែជួបបញ្ហា មើលមិនច្បាស់ ហេតុនេះ សារធាតុ Beta carotene នៅក្នុងម្នាស់អាចជួយពន្យាបញ្ហាភ្នែកមើលមិនច្បាស់នេះបាន។ ចាប់ផ្តើមឧស្សាហ៍ទទួលទានម្នាស់ ពីថ្ងៃនេះតទៅ! នោះអ្នកនឹងមិនចាំបាច់បារម្ភ បញ្ហាភ្នែក នៅពេលចាស់ទៅឡើយ។
៩. ជួយចលនាឈាម និងបញ្ហាសម្ពាធឈាម
ជាតិប៉ូតាស្យូម និងជាតិរ៉ែផ្សេងៗ នៅក្នុងផ្លែម្នាស់ ជួយបន្ថយសម្ពាធឈាម និងធ្វើឲ្យចលនាឈាមរត់បានប្រក្រតី។ វាជួយការពារ ការស្ទះ និងការកកឈាម។ ជាងនេះទៅទៀត សារធាតុទង់ដែង របស់ម្នាស់ជួយធ្វើឲ្យកោសិកាឈាមក្រហម មានសុខភាពល្អ ដែលបណ្តាលឲ្យកើនឡើងនូវអុកស៊ីសែន និងដំណើរការបានប្រក្រតី ដល់ប្រព័ន្ធសរីរាង្គដទៃទៀត។
១០. ការពារការជ្រុះសក់ និងធ្វើឲ្យក្រចកមិនងាយបាក់
អ្នកអាចធ្វើឲ្យក្រចក និងសក់របស់អ្នកស្រស់ស្អាតបានដោយ កិនយកទឹករបស់ម្នាស់ ១ ស្លាបព្រាបាយ ស៊ុតក្រហម ១ ទឹកក្រូចឆ្មារ ១ ស្លាបព្រាបាយ និងប្រេងក្រូចឆ្មារ ២ ដំណក់ លាយចូលគ្នា រួចយកមកលាបលើក្រចក និងគល់សក់របស់អ្នក។ អ្នកអាចប្រើ ញឹកញាប់តាមចំនូលចិត្ត ដើម្បីឲ្យ ក្រចកស្រស់ស្អាត និងមិនមានបញ្ហាសក់ជ្រុះ។
១១. ជួយថែរក្សាស្បែក
អ្នកអាចលាបទឹកម្នាស់ នៅលើផ្ទៃមុខ ទុករយៈពេល ១០ នាទី រួចលាងសម្អាតចេញ។ អ្នកក៏អាចចិត ម្នាស់ស្រស់ជាចំនិតៗ មកបិទលើស្បែក ដើម្បីកម្ចាត់ស្បែកចាស់ៗ នឹងសម្រួលចលនាឈាមរត់លើផ្ទៃមុខផងដែរ។ ជាងនេះទៅទៀតអ្នកអាចយក ចំនិតម្នាស់ ទៅដុសកែងជើងក្រិនបានទៀតផង ដើម្បីជួយបន្ទន់ស្បែក និងកម្ចាត់ស្បែកចាស់ៗ ក៏ដូចជាការពារមិនឲ្យប្រេះកែងជើង ផងដែរ។
# បញ្ហាដែលអាចកើតមានពី ការទទួលទានម្នាស់
ដោយសារតែជាតិ Bromelain របស់ម្នាស់ ជាអង់ហ្ស៊ីម ដែលអាចបំបែកអាហាររឹងៗបាន ហេតុនេះ ប្រសិនបើអ្នកទទួលទានម្នាស់ច្រើនពេក អ្នកអាចបបូរមាត់ អញ្ចាញ និងអណ្តាត រងការស្ពឹក ឬស្កាត ជាមិនខាន។ Bromelain និងវីតាមីន C មិនអាចទទួលទានលើសកំណត់បានទេ។ ដូច្នេះ បើនៅតែបន្តទទួលទាន លើសកំណត់នោះ អ្នកអាចនឹងក្អួត រាគ និងឈឺក្បាល មិនខាន។ ដូចគ្នានេះផងដែរ សារធាតុ Bromelain ជំនួយដល់ការមករដូវ ហេតុនេះស្ត្រីដែលមានផ្ទៃពោះ ត្រូវចៀសវាងទទួលទានម្នាស់ច្រើនពេក។ ក្នុងករណីកម្រខ្លះ អាចធ្វើឲ្យរលូតកូនទៀតផង៕

ប្រភព:https://www.khmerload.com/category/15

ទិចនិក ធ្វើភេសជ្ជៈសុខភាពងាយៗ ដោយខ្លួនឯង ទទួលទានយ៉ាងណា ក៏មិនធាត់ដែរ!

ឥឡូវនេះមនុស្សប្រឈមមុខនឹងការថែទាំសុខភាពយ៉ាងធ្ងន់ធ្ងរ ព្រោះរបស់គ្រប់យ៉ាងគឹពោរពេញទៅដោយសារធាតុគីមី ដែលជាប្រភពនៃជម្ងឺនានា ដូចជាជម្ងឺបេះដូង ជម្ងឺដាច់សរសៃឈាមខួរក្បាល ជម្ងឺទឹកនោមផ្អែម និងសម្ពាធឈាមខ្ពស់-ល-។ ឯជាតិស្ករនៅក្នុងភេសជ្ជៈក៏ជារឿងមួយដ៏គួរឱ្យ បារម្ភណាស់ដែរ។ ជាធម្មតាយើងមិនត្រូវទទួលទានស្ករលើសពី៦ស្លាបព្រាកាហ្វេ ឬ២៤ក្រាម ក្នុងមួយថ្ងៃឡើយ ព្រោះវាអាចបម្លែងទៅជាជាតិខ្លាញ់ក្នុងរាងកាយទៅវិញ ហើយជាលទ្ធផលគឺមានកើតជម្ងឺធាត់លើសទម្ងន់ជាដើម។ ប៉ុន្តែកុំទាន់អស់សង្ឃឹម យើងមក ធ្វើភេសជ្ជៈទាំងបីមុខនេះញ៉ាំម្តងមើល ធានាថាឆ្ងាញ់ និងទទួលបាននូវ សុខភាពល្អទៀតផង ហើយទោះជាផឹកយ៉ាងណាក៏មិនងាយធាត់ដែរ៖
១.ទឹកផ្លែព្នៅ៖ គឺជាឱសថទឹកភេសជ្ជៈម្យ៉ាង ដែលអាចជួយបន្ថយអាការទល់លាមក បំបាត់ភាពអស់កម្លាំង និងអាការៈក្រហាយទ្រូងបានយ៉ាងល្អ។
• វិធីធ្វើទឹកព្នៅ៖
-យកផ្លែព្នៅស្រស់ទៅពុះជាចំណិតស្តើងៗ ឆ្កឹះគ្រាប់ចេញ រួចយកទៅហាលឱ្យស្ងួត។
-ដាក់ចំណិតផ្លែព្នៅដាំជាមួយទឹកស្អាត៣០០មីលីលីត្រឱ្យពុះប្រមាណ១0-១៥នាទីក្នុងកម្តៅមធ្យម។
-បន្ថែមស្ករស១៥ក្រាមក្នុងទឹកពុះ រហូតដល់រលាយជាតិស្ករទើបបិទភ្លើង ទុកឱ្យវាត្រជាក់សឹមចាក់ចូលទៅក្នុងដបស្អាតក្លាស្សេ ក្នុងទូទឹកកកដើម្បីរក្សាបានយូរ។
អ្នកក៏អាចផឹកនេះលាយជាមួយទឹកកកបាន ពិសេសក្នុងអំឡុងរដូវក្តៅខ្លាំង ដើម្បីឱ្យមានអារម្មណ៍ស្រស់ថ្លា ឬអ្នកខ្លះអាចចូលចិត្តទទួលទានដោយគ្មានលាយស្ករ ឬអាចផឹកក្តៅៗក៏អាចទទួលបាននូវគុណប្រយោជន៍ដូចគ្នា។

២.ទឹកផ្លែឈើ៖ សមាសភាពរួមផ្សំអាចមានដូចជា ការ៉ុត ម្នាស់ ស្វាយ និងផ្លែឈើដទៃទៀតតាមចំណង់ចំណូលចិត្តអ្នកមកកិនលាយវាបញ្ចូលគ្នា ឬតែមួយប្រភេទក៏បាន។ ពួកវាមានលក្ខណៈសម្បត្តិជាច្រើន វាជួយឱ្យភ្នែកល្អ ជំនួយដល់មុខងាររបស់ខួរក្បាល សំបូរទៅដោយវីតាមីន សារធាតុរ៉ែ ជាតិសរសៃ ដែលមានប្រយោជន៍ដល់រាងកាយ។
• វិធីធ្វើទឹកផ្លែឈើគ្រប់មុខ (ដោយមិនចាំបាច់ដាក់ស្ករក៏ឆ្ងាញ់ដែរ)៖
-យកការ៉ុត ស្វាយ និងម្នាស់មកកិនលាយបញ្ចូលគ្នា។
-ចាក់ទឹកឆ្អិនចូលបន្តិច ព្រមទាំងបន្ថែមអំបិលប្រហែលមួយស្លាបព្រាកាហ្វេផង នោះវានឹងមានរសជាតិឆ្ងាញ់ និងមានក្លិនឈ្ងុយផងដែរ ហើយទោះបីជាអ្នកញ៉ាំវារាល់ថ្ងៃយ៉ាងណាក៏មិនឡើងគីឡូដែរ។

៣.ទឹកស្លឹកគ្រៃ៖ វាមានវីតាមីនA ជួយរក្សាភ្នែកឱ្យមានសុខភាពល្អ មានផ្ទុកជាតិកាល់ស្យូមនិងផូស្វ័រ ជួយរក្សាឆ្អឹងនិងធ្មេញឱ្យរឹងមាំ បណ្តេញអាការៈហើមពោះ កាត់បន្ថយសម្ពាធឈាមខ្ពស់ ហើយវាក៏ជាថ្នាំបញ្ចុះទឹកនោមកាត់បន្ថយសារធាតុពុលក្នុងរាងកាយ។
• វិធីធ្វើទឹកស្លឹកគ្រៃ៖
-យកគល់ស្លឹកគ្រៃប្រមាណ ២00ក្រាមកាត់វាទៅជាបំណែកតូចៗ។
-ដាក់ដាំក្នុងទឹក២៥0មីលីលីត្រ រង់ចាំទឹករំពុះរម្ងាស់ពី៥-១0នាទី បន្ទាប់មកត្រងយក កាកចេញ។
-បន្ថែមស្ករប្រហែល១៥ក្រាម រួចកូរឱ្យរលាយចូលគ្នា ហើយបើអ្នកចូលចិត្តញ៉ាំជាមួយ រសជាតិជូរអែមៗបន្តិចផង ក៏អាចច្របាច់ក្រូចឆ្មារដាក់បានដែរ។ បន្ទាប់មកដាំឱ្យពុះ ១-២នាទីទៀត ដើម្បីឱ្យវារលាយចូលគ្នាល្អ ចុងក្រោយគឺទុកឱ្យត្រជាក់សឹមចាក់ ចូលដបរក្សា។ វាជាភេសជ្ជៈល្អបំផុត ជួយកាត់បន្ថយសីតុណ្ហក្តៅក្នុងរាងកាយ តម្រូវសម្ពាធឈាម បន្ថែមចំណង់អាហារ និងផ្តល់ក្រៅពីនេះអុកស៊ីសែនទៅក្នុង កោសិកាជួយឱ្យកោសិកាសាច់ដុំ បំពេញមុខងារបានពេញលេញ។

ក្រៅពីនេះដើម្បីងាយស្រួល ក្នុងការបង្កើតឱ្យមានសុខភាពល្អ និងរស់នៅដោយមាន តុល្យភាព អ្នកក៏ត្រូវតែធ្វើលំហាត់ប្រាណ ឱ្យបានគ្រប់គ្រាន់ និងទៀងទាតផងដែរ៕

ប្រភព:https://www.khmerload.com/category/15

យល់ដឹងពីអត្ថប្រយោជន៍នៃ គ្រាប់ឈូកថែរក្សាសុខភាព!

មនុស្សជាច្រើនមិនសូវធ្លាប់បាន បរិភោគគ្រាប់ឈូកប៉ុន្មានទេ ហើយថែមទាំងមិន នឹកស្មានដល់ផងថាគ្រាប់ឈូក មានអត្ថប្រយោជន៍ចំពោះសុខភាពច្រើនយ៉ាងដែរ។ ជាការពិត គ្រាប់ឈូកឧត្តមសម្បូរទៅដោយ វីតាមីនA វីតាមីនC វីតាមីនE ប្រូទីនប្រមាណជា២៣% និងមានសារជាតិរ៉ែ ដែលអាចជួយមប្រុងខួរក្បាល សរសៃប្រសាទ រក្សាអាការឈឺសន្លាក់ បង្កើតគ្រាប់ឈាម ព្រមទាំងជួយទំនុកបម្រុង ឈាមឱ្យមានដំណើរការល្អផងដែរ ប៉ុន្តែវាមានប្រសិទ្ធភាព បានតែចំពោះគ្រាប់ឈូកស្រស់ៗប៉ុណ្ណោះ ចំពោះឈូកដែលបានឆ្លងកាត់ ការចម្អិនឆ្អិនរួចហើយវានឹងបាត់បង់គុណភាព។ ក្រៅពីនេះវាជួយឱ្យចរន្តឈាម រត់បានល្អ បន្ថយអាការណែនដើមទ្រូង ព្រោះបញ្ហាខ្វះឈាមជាដើម-ល-។

ផ្លែឈូកងាយស្រួលរកទិញ មានតម្លៃថោកសមរម្យ ហើយក្នុងផ្លែឈូក១ផ្លែគឺមាន គ្រាប់ពី៧-១០គ្រាប់ឯណោះ។ ចំពោះការទទួលទាន លោកអ្នកគួរបរិភោគវាទាំងមូល ក្រោយពីបកសម្បកពណ៌បៃតងនៅខាងក្រៅចេញអស់ ដោយមិនគួរឆ្កឹះយកបណ្តូល ពណ៌ខៀវមានរសជាតិល្វីងតិចៗ នៅខាងក្នុងនោះចោលទេ។
អ្នកដឹងឬអត់ថា បណ្តូលនេះគឺផ្ទុកវីតាមីន មានគុណភាពខ្ពស់ណាស់ បើអ្នកយកវាចេញប្រៀបដូចជា អ្នកកំពុងតែបំផ្លាញគុណប្រយោជន៍របស់ផ្លែឈូកយ៉ាងដូច្នោះដែរ។ ទទួលស្គាល់ថាបណ្តូលក្នុងនេះ គ្មាននរណាចូលចិត្តញ៉ាំវាប៉ុន្មានទេ ពិសេសគឺកូនក្មេង តែសូមព្យាយាមសាកល្បងព្រោះយូរៗទៅ វានឹងក្លាយទៅជារឿងធម្មតាមិនខាន។
ប្រការសំខាន់ជាងនេះ បើលោកអ្នកជ្រើសទិញផ្លែឈូក គួររើសយកឈូកណាដែលចាស់ខែបន្តិច ទោះបីជាអ្នកចូលចិត្តញ៉ាំផ្លែខ្ចីខ្លាំងជាងក៏ដោយ ពីព្រោះថាផ្លែដែលមានអាយុពេញវ័យ បើអ្នកបានញ៉ាំវាមួយថ្ងៃ ២០គ្រាប់ ឬលើសពីនេះកាន់តែប្រសើរ ក្នុងការដែលវាអាចទៅចិញ្ចឹមឈាម និងបេះដូងតាមបែបធម្មជាតិ គ្មានជាតិគីមី និងគ្មានផលប៉ះពាល់អ្វី សូម្បីតែបន្តិចឡើយ។
សរុបមកកុំទាន់មើលងាយឱ្យសោះថា ផ្លែរុក្ខជាតិមួយនេះគ្មានគុណសម្បត្តិសុខភាព ទោះបីជាសូវសម្បូរគ្រប់រដូវ ឬគ្រប់ទីកន្លែងក៏ពិតមែន តែវាពិតជាមានផល ប្រយោជន៍ខ្លាំងណាស់ចំពោះសុខភាពយើង។ ដូច្នេះបើប្រទះឃើញមានផ្លែឈូក លក់នៅទីណា កុំអាលជិះហួសអី ចុះទិញមួយបាច់ ឬពីរបាច់ទុកទំពារលេងសិន ក៏បាន ដើម្បីទទួលបានសុខភាពល្អ និងថែមទាំងសន្សំសំចៃថវិការផងដែរ៕

ប្រភព:https://www.khmerload.com/category/15

កីឡាការិនីហែលទឹកកម្ពុជា ហែម ថុនវិទិនី ជាប់លេខ៤ ដែលទើបបញ្ចប់ការប្រកួត នៅ Rio 2016

(ក្រុងរីយ៉ូ)៖ លោក វ៉ាត់ ចំរើន អគ្គលេខាធិការ NOCC បានថ្លែងប្រាប់ Fresh News ពីប្រេស៊ីលមុននេះមកថា អត្តពលិកកម្ពុជា កីឡាការិនី ហែម ថុនវិទិនី បានត្រឹមតែបំបែកកំណត់ត្រាចាស់របស់ខ្លួន ដោយបានត្រឹមជាប់លេខ៤ ក្នុងព្រឹត្តិការណ៍កីឡាអូឡាំពិក Rio 2016 នៅប្រេស៊ីល ដែលទើបបញ្ចប់មុននេះ។
កីឡាការិនី ហែម ថុនវិទិនី បានត្រឹមបំបែកកំណត់ត្រាចាស់ ដោយប្រើពេលតែ ២៩.៣៧វិនាទី ក្នុងការហែលចម្ងាយ ៥០ម៉ែត្រសេរី ខណៈដែលកំណត់ត្រាចាស់កាលពី៤ឆ្នាំមុននៅ Olympic Games 2012 ទីក្រុងឡុងដ៍ មានរហូតដល់ ៣០.៤៤នាទី៕

គួររំលឹកថា កីឡាការិនីហែលទឹកកម្ពុជា ហែមថុន វិទីនី ក៏ធ្លាប់បានជួបថតរូបផ្ទាល់ ជាមួយ ម្ចាស់កំណត់ត្រាពិភពលោក ផ្នែកកីឡារត់ប្រណាំង Usain Bolt ផងដែរ នៅពេលទៅដល់ប្រទេសប្រេស៊ីល។ នៅក្នុងកញ្ញា បានបង្ហោះរូបភាពមួយសន្លឹកក្នុងបណ្តាញសង្គមហ្វេសបុករបស់កញ្ញា ដោយកញ្ញាជួបថតរូបផ្ទាល់ជាមួយ ម្ចាស់កំណត់ត្រាពិភពលោក ផ្នែកកីឡារត់ប្រណាំង គឺកីឡាករ Usain Bolt ។ ជាមួយរូបថតមួយសន្លឹក ដែលវិទីនីបានបង្ហោះនោះ គឺកញ្ញាបានសម្តែងនូវអារម្មណ៍រីករាយយ៉ាងក្រៃលែង នៅពេលដែលបានជួបអត្តពលិកដ៏ល្បីរូបនេះ ដោយក្នុងសារនាងបាននិយាយថា «Great moment in dining hall with #usain #bolt , can’t wait to see him bring a beat again » ។ វិទីនី ក៏បានបន្ថែមក្នុងន័យនិយាយបែបកំប្លែងទៀតដែរថា «បិុអាវខ្មៅនឹងមានអីអស្ចារ្យ គ្រាន់តែរកអ្នករត់ឈ្នះគាត់មិនទាន់ឃើញនឹង» ។

គួរបញ្ជាក់ផងដែរថា Usain Bolt ដែលមានសញ្ជាតិ ចាម៉ៃកា គឺជាអត្តពលិកផ្នែកកីឡារត់ប្រណាំងដ៏ល្បីមួយរូប ដែលធ្លាប់ទទួលបានមេដាយមាស ២សម័យ ជាប់ៗគ្នា កាលពីអូឡាំពិកឆ្នាំ ២០០៨ និង ២០១២ ហើយថែមទាំងបានបំបែកកំណត់ត្រាពិភពលោកទៀតផង ។

ដូច្នេះសង្ឃឹមថាអត្តពលិកកម្ពុជាទាំងអស់ ខំប្រឹងប្រែងក្នុងការប្រកួត ហើយជូនពរឲ្យទទួលបានជោគជ័យ និងនាំមេដាយជូនប្រទសជាតិមាតុភូមិ៕

ប្រភព:https://www.khmerload.com/

សំ ប៉ូលីដា កំពុងតែធ្វើឲ្យទស្សនិកជន វិលក្បុង ជាមួយពាក្យ «ស្រវឹងស្រារចេះតែនិយាយ ថាប្តីប្រើអំពើហិង្សា»

ភ្នំពេញ៖ ស្របពេលការងើងឆ្ងល់ជាច្រើន ទាក់ទិននឹងរឿងរ៉ា តារាកំប្លែង និងជាតារាចម្រៀង ជើងចាស់ អ្នកនាង សំ ប៉ូលីដា ដែលកំពុងតែមានសភាព របួសពេញខ្លួន ព្រមទាំងបាក់ជើងថែមទៀតផងនោះ មានមន្ទិលជាច្រើនលើកឡើងថា ជាទង្វើរបស់ស្វាមីសំនព្វចិត្ត របស់អ្នកនាង លោក ស្វាយ ស៊ីសុថា ប្រើអំពើហិង្សាទៅលើ អ្នកនាង តែសម្រាប់ការឆ្លើយតបទៅមន្ទិលនេះ អ្នកនាង សំ ប៉ូ លីដា និយាយថា នេះជាការធ្វេសប្រហែសដោយខ្លួនឯង តែប៉ុណ្ណោះ មិនមានអ្វីដូចដែលគេបានលើកឡើងនោះទេ ។
បន្ទាប់ពីរឿងរ៉ាវ ដែលគួរឲ្យអាណិតមួយ ចំពោះតារាកំប្លែង និងជាតារាចម្រៀង ជើងចាស់ អ្នកនាង សំ ប៉ូលីដា ដែលមានរងរបួសបាក់ជើង ហើយអ្នកនាង បានសម្រាកព្យាបាល នៅហាងមួយកន្លែង នៅក្នុងក្រុងតាខ្មៅ ខេត្តកណ្តាល ជាមួយការលើកឡើងផ្សេងៗគ្នាថា អ្នកនាង មិនមែនរបួសដោយសារ ការធ្វេសប្រហេសនោះទេ គឺត្រូវស្វាមីអ្នកនាង ប្រើអំពើហិង្សាមកលើអ្នកនាង ទើបមានសភាពដល់ថ្នាក់នេះ ប៉ុន្តែសម្រាប់ការលើកឡើងទាំងអស់នេះ អ្នកនាង សំ ប៉ូលីដា បានបដិសេដទាំងស្រុង ដោយបានប្រាប់ LookingTODAY នៅថ្ងៃទៅទី ១៣ ខែសីហា ឆ្នាំ២០១៦នេះថា ការលើកឡើងនេះ វាមិនមែនជាការពិតនោះទេ របួសបាក់ជើងនេះ គឺ បញ្ហានេះអ្នកនាងដួលដោយខ្លួនឯង ដូចដែលអ្នកនាង បាននិយាយម្តងហើយម្តងទៀតអញ្ចឹង ហើយវីដេអូដែលគេគ្រប់គ្នា បានចែកចាយបន្តព្រោងព្រាតលើ បណ្តាញសង្គម ហ្វេសប៊ុក ដោយអ្នកនាងនិយាយដោយផ្ទាល់នៅក្នុងវិដេអូនោះថា ប្តីអ្នកនាងបានប្រើប្រាស់ អំពើហិង្សាមកលើខ្លួននោះ វាជាវីដេអូយូរមកហើយ ក្រោយពី LookingTODAY បានសួរបញ្ជាក់ថា តើស្វាមីរបស់អ្នកបង មិនមានការប្រើអំពើហិង្សានោះទេ?
អ្នកនាង សំប៉ូលីដា បាននិយាយដោយខ្លីៗថា" មិនដែលប្រើអំពើហិង្សាទេ ណាស់តែបងនិយាយពន្លើស ស្រវឹងចេះតែនិយាយទៅខឹង" ការនិយាយបែបនេះ ហាក់បីជាអ្នកនាងកំពុង តែធ្វើឲ្យអ្នកគាំទ្រ វិលក្បុងជាមួយអ្នកនាង និងស្វាមីអ្នកនាងតែម្តង ។ នៅថ្ងៃនេះផងដែរ អ្នកនាងសំប៉ូលីដា បានប្រាប់ថាមានអ្នកសិល្បៈជាច្រើន បានចុះទៅសួរសុខទុក្ខអ្នកនាងផ្ទាល់នៅ ក្រុងតាខ្មៅ ខេត្តកណ្តាល ។
គួរបញ្ជាក់ផងដែរថា មកទល់នឹងពេលនេះ សភាពជំងឺអ្នកនាង សំ ប៉ូលីដា មានសភាពធូរស្បើយបន្តិចហើយ ដោយអាចអង្គុយលេងបាន ហើយនិងកំពុងតែបន្ត សម្រាកព្យាបាល នៅក្នុងហាងមួយ ដែលជាកន្លែងធ្វើការ អ្នកនាងផ្ទាល់តែម្តង នៅក្រុងតាខ្មៅ ខេត្តកណ្តាល ៕

ប្រភព:https://www.khmerload.com/

Ann Thongprasom មិនត្រឹមតែជាតារាស្រីឆ្នើម ប្រចាំប្រទេសថៃប៉ុណ្ណោះទេ ថែមទាំងមានមុខរបរធំៗក្នុងដៃទៀត

ថៃ៖ តារាសម្តែងស្រីនាង Ann Thongprasom ត្រូវបានអ្នកគាំទ្រដាក់រហស្សនាមឲ្យថា តារាស្រីឆ្នើមប្រចាំប្រទេសថៃ មានទាំងសម្រស់ និងសមត្ថភាពក្នុងការសម្តែងយ៉ាងខ្ពស់ ដែលតារាផ្សេងៗមិនអាចប្រដូចបាន។
នាពេលបច្ចុប្បន្ននេះ នាង Ann មិនត្រឹមតែជាតារាសម្តែងប៉ុណ្ណោះទេ ថែមទាំងបានក្លាយខ្លួន ជាអ្នកដឹកនាំដ៏ខ្លាំងម្នាក់ទៀតផង។ ហើយស្នាដៃដឹកនាំសម្តែងរបស់នាង ក៏មិនណយដែរ ព្រោះកាលពីប៉ុន្មានខែមុន នាងបានដឹកនាំរឿងភាគថៃមួយដ៏ល្បី គឺរឿង "ស្អប់ព្រោះស្រលាញ់" ដែលមានការចូលរួមសម្តែងដោយ នាង Kimberly និងលោក Jame Ma។ រឿងនេះទៀតសោត ត្រូវបានមហាជនជាច្រើន ស្ងើចសរសើរពីសមត្ថភាពរបស់នាងជាពន់ពេក ដែលដឹកនាំរឿងបានល្អដល់ថ្នាក់នេះ។
ក្រៅពីកិច្ចការងារសិល្បៈ នាងក៏នៅមានមុខរបរក្នុងដៃធំៗចំនួន២ទៀត គឺបើក Apartment និងអគារសម្រាប់ជួល មានឈ្មោះថា"Anne’s Place"។
ចំពោះការរៀបចំ និងទីធ្លា ក្នុង Apartment និងអគាររបស់នាង Ann Thongprasom គឺពិតស្រស់ស្អាត និងប្រណីត គួរឲ្យចង់រស់នៅ ហើយបើគិតជាសាច់ប្រាក់ប្រហែលជាចំណាយអស់មិនតិចទេ។
ក្នុងនោះដែរ អ្នកគាំទ្រភាគច្រើន បានច្រណែននឹងនាងយ៉ាងខ្លាំង ព្រោះថា មិនត្រឹមតែមានសម្រស់នោះទេ ថែមទាំងមានសមត្ថភាព ក្នុងការបង្កើតជំនួញធំៗទៅដល់ ២ទៀត៕
តោះមើលដេគ័រ និងស្ទីលប្លែកៗ ក្នុង Apartmentនិងអគារ ថ្មីរបស់នាងទាំងអស់គ្នា៖

ប្រភព:https://www.khmerload.com/